List vun de schottischen Brennereen
De Tall vun de schottischen Brennereen is bannig groot. In keen anner’t Land warrt so veel Whisky brennt, as in Schottland, ok wenn bit hüüt nich kloor is, woneem de Whisky sien Oorsprung hett – in Schottland oder in Irland. 2009 weer in Schottland in ruchweg hunnert Destillen Whisky herstellt, man dorta kamt noch wietere hunnerte Brennereen, de to Tiet stillleggt sünd oder de dat intwüschen nich mehr mehr gifft. Butendem kamt ok jümmer mol wedder ne’e Brenneree dorto, de jemehr Whisky mitünner noch nich op’n Markt to kriegen is.
De schottischen Brennereen un de Whiskys, de dor brennt warrt, warrt in söss verschedene Whiskyrebeden indeelt. De Whiskys vun en Rebeet hebbt tomeist glieke tyypsche Egenorden vun’n Smack her, liekers künnt se ok bannig ünnerscheedlich wesen. Mit Afstand de meisten Whisky-Brennereen staht in dat Rebeet Speyside, wat vun de geograafschen Flach man eher lütt is. De tweetmeisten Brennereen staht in dat Rebeet vun de Highlands. De annern veer Whiskyrebeden sünd de Lowlands, dat Eiland Islay, de annern Eilannen un opletzt Campbeltown op dat Halfeiland Kintyre.
.jpg)
