Glenlochy

Glenlochy
Land	Schottland
Region	Highlands
Tyyp	Malt
Status	stillleggt (1983) ümboet (1992)
Besitter
Grünnt	1898
Grünner	David McAndie, Glenlochy-Fort William Distillery Co. Ltd.
Waterborn	Glen Nevis
Washstill(s)	1 × 14.580 l
Spiritstill(s)	1 × 14.380 l

Glenlochy weer en Whisky-Brenneree in Fort William, Inverness-shire, Schottland. De Bowarken sünd in de schottischen Denkmollisten in de Kategorie B inordent^[1].

Historie[ännern | Bornkood ännern]

De Brenneree is 1898 vun David McAndie, Glenlochy-Fort William Distillery Co. Ltd.^[2], grünnt worrn un leeg in Inverlochy, wat dormols noch buten Fort William weer. To de Tiet weer dat mit de Wertschop nich wiet her. Dorüm is de Destille al as se an’n 4. April 1901^[2] apen maakt weer blots op lütte Produktschoon bedreven worrn. Laterhen weer se vun de Scottish Malt Distillers (SMD) övernahmen, harr aver jümmer mit weertschoppliche Lasten to doon, so dat se nich faken mit gröttste Leistung produzeert hett. De SMD hett de Brenneree dorüm an’n 31. Mai 1983 stillleggt^[3]. De Hüüs schülln afreten warnn, wat aver nich dörtobringen weer. 1992 is dat Grundstück denn verköfft worrn. En Deel vun de Bowarken is afreten worrn, de Rest weer in Ferienwahnungen ümboet^[4]^[5].

Produkschoon[ännern | Bornkood ännern]

De Brenneree Glenlochy tell to dat schottische Whiskyrebeet Highlands un nöhm dat Water för de Produkschoon ut den Glen Nevis. Brennt weer in twee Brennblasen: een wash still vun 14.580 l un een spirit still^[3]. Herstellt weer dor Malt Whisky, vun de aver keen Originalaffüllen bekannt sünd. Single-Malt-Whisky ut de Destille sünd blots vun unafhangige Affüllers op’n Markt kamen.