Glenrothes (Brenneree)

Vun Wikipedia
Glenrothes

Brenneree Glenrothes

Land Schottland
Region Speyside
Tyyp Malt
Status aktiv
Besitter Highland Distillers Group Ltd.
Grünnt 1878
Grünner James Stuart & Co.
Waterborn Ardcanny un Brucehill Borns
Washstill(s) 5 × 22.990 l
Spiritstill(s) 5 × 25.400 l
Produkschoonsvolumen 5.600.000 l
Websteed www.theglenrothes.com

Glenrothes is en Whisky-Brenneree an’n Rand vun Rothes, Morayshire, Schottland.

Historie[ännern | Bornkood ännern]

De Brennerei is 1878 vun James Stuart & Co. grünnt worrn. Geld för dat Ünnernehmen keem vun de Caledonian Bank, de denn aver sluten müss. Dorophen hebbt William Grant, Robert Dick un John Cruickshank de Firma William Grant & Co. grünnt, de de Destille fardig stellt hebbt. Na Glen Grant weer dat de tweete Brenneree, de in den Oort entstahn is. De Produkschoon is an’n 28. Dezember 1879 losgahn – an den Dag, as de 1877 boete Firth-of-Tay-Brügg bi Dundee tosamenstört is. 1887 weer de Destille vun de Highland Distillers övernahmen. An’n 15. Mai 1922 is dat Lagerhuus 1 mit ruchweg 2.500 Fatten Whisky dör en Füür tonichten maakt worrn. Dorbi is Whisky, de brenn, in den Burn of Rothes lopen, de midden dör den Oort verlöpt. 1963 is de Tall vun de Brennblasen vun veer op söss vergröttert worrn. 1980 sünd noch mol twee dorto kamen, siet 1989 sünd teihn Brennblasen in Bedrief.

Produkschoon[ännern | Bornkood ännern]

De Brenneree Glenrothes höört to dat schottische Whiskyrebeet Speyside. Dat Water för de Produkschoon stammt ut den Ardcanny Born as ok ut den Brucehill Born. In de Destille gifft dat een Meeschfatt (mash tun) vun 4,92 t un twintig Gäärfatten (wash backs) to 25.500 l. Dorvun sünd twölf ut Douglasienholt un acht ut Eddelstahl. Brennt warrt in fief wash stills to 22.990 l un fief spirit stills to 25.400 l, de mit Damp hitt maakt warrt. Dat Molt för de Produkschoon warrt ut de Molteree vun de Tamdhu-Brenneree köfft.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken[ännern | Bornkood ännern]

Glenrothes. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 32′ N, 3° 13′ W