Dufftown (Brenneree)

Vun Wikipedia
Zur Navigation springen Zur Suche springen
Dufftown
Dufftown Distillery - geograph.org.uk - 265000.jpg

Brenneree Dufftown

Land Schottland
Region Speyside
Tyyp Malt
Status aktiv
Besitter Diageo
Grünnt 1895
Grünner Peter Mackenzie, Richard Stackpole, John Symon un Charls MacPherson
Waterborn Jock’s Well
Washstill(s) 3 × 19.775 l
Spiritstill(s) 3 x 24.080 l
Produkschoonsvolumen 5.800.000 l

De Dufftown Distillery is en Whiskybrennere in den Oort Dufftown, Banffshire, Schottland.

Historie[ännern | Bornkood ännern]

De Brenneree is 1985 vun Peter Mackenzie, Richard Stackpole, John Symon un Charles MacPherson ut en ollen Möhl boet worrn. Se weer de sösste Brenneree, de in den bekannten Whiskyoort Dufftown entstahn is. De Produkschoon güng an’n 10. November 1896 los. 1897 is se an P. Mackenzie & Co. verköfft worrn, de bito de Brenneree Blair Athol in Pitlochry tohöört. 1933 weer de Destille vun Arthur Bell & Sons för 56.000 £ opköfft. In’t Johr 1968 weer de egenen Malting Floors dicht maakt, also keen egen Molt mehr herstellt. 1974 is de Destille op veer Brennblasen vergröttert worrn, fief Johren later kemen wietere twee dorto. Arthur Bell & Sons is 1985 vun United Distillers & Vintner (UDV) opköfft worrn, de vundaag to Diageo höört.

Dufftown Distillery is mit en Kapazität vun 5,8 Millionen Liter jeed Johr de gröttste Whisky-Brenneree vun Diageo[1]. Se dröff nich verwesselt warrn mit de ölleren Brenneree mit glieken Naam, de 1823 grünnt weer un later den Naam Mortlach kregen hett.

Produkschoon[ännern | Bornkood ännern]

En Buddel Singleton of Dufftown „Tailfire“

De Brenneree Dufftown höört to dat Whiskyrebeet Speyside. Ehr Water nimmt se ut den Jock’s Well. Dat Molt warrt ut de Burghead Molteree in Elgin betogen. In de Destille gifft dat en Meeschfatt (mash tun) ut Eddelstahl vun 10,6 t un twölf Gäärfatten (wash backs) to 53.000 l, de ok ut Eddelstahl maakt sünd. Brennt warrt in dree wash stills to 19.775 l un dree spirit stills to 24.080 l, de mit Damp hitt maakt warrt.

En Deel vun de Produkschoon warrt to’n Herstellen vun Blend-Whiskys vun Bell’s bruukt. Man, dat gifft ok Originalaffüllen as Single Malt, de ünner de Beteken Singleton of Dufftown op’n Markt gaht. De 12-johrige Singleton höört to de Classic Malts vun Diageo.

Kiek ok[ännern | Bornkood ännern]

Literatur[ännern | Bornkood ännern]

Born[ännern | Bornkood ännern]

  1. Ingvar Ronde: Malt Whisky Yearbook 2011. MagDig Media Ltd.,Shrewsbury 2010, ISBN 978-0-9552607-7-3.

Weblenken[ännern | Bornkood ännern]

Commons-logo.svg Dufftown. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:57° 26′ N, 3° 8′ W