Glencadam

Glencadam
Brenneree Glencadam (Foto: TB)
Land	Schottland
Region	Highlands
Tyyp	Malt
Status	aktiv
Besitter	Angus Dundee Plc.
Grünnt	1825
Grünner	George Cooper
Waterborn	Loch Lee
Washstill(s)	1 × 14.000 l
Spiritstill(s)	1 × 14.000 l
Produkschoonsvolumen	1.500.000 l
Websteed	www.glencadamdistillery.co.uk

Glencadam (Schottisch-Gäälsch: Gleann ghèadh-fhiadhaich; so veel as: Daal vun de willen Göös) is en Whisky-Brenneree in Brechin, Schottland.

Historie

De Brenneree is in’t Johr 1825 vun George Cooper grünnt worrn. Glencadam is 1954 vun Hiram Walker opköfft worrn. De gröttste Deel vun den Whisky is siether för den Blend-Whisky Ballantines bruukt worrn. September 2000 is de Brenneree aver dicht maakt worrn un weer later an Angus Dundee Plc. verköfft, de ehr in’n Mai 2003 wedder apen maakt hebbt. Eenige Johren is blots de 15-johrige Single-Malt-Whisky ünner egenen Naam verköfft worrn. En anneren Deel weer vun unafhangige Affüllers köfft. Siet 2009 is nu wedder en Reeg vun Originalaffüllen mit ünnerscheedlich Öller opvn Markt to finnen.

Produkschoon

Glencadam höört to dat schottische Whiskyrebeet Highlands. Ofschoonst de Destille dicht bi den Stroom South Esk liggt, warrt dat Water vör de Produkschoon ut den Loch Lee na Brechin pumpt. De Brenneree hett blots twee Brennblasen: een Wash Still un een Spirit Still, de beid 14.000 l faten doot.

Kiek ok

• List vun de schottischen Brennereen

Literatur

• Charles MacLean (Rutgever.): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Glencadam. Mehr Biller, Videos oder Audiodateien to’t Thema gifft dat bi Wikimedia Commons.