Annandale (Brenneree)
| Annandale | |
|---|---|
| Land | Schottland |
| Region | Lowlands |
| Tyyp | Malt |
| Status | aktiv |
| Besitter | David Thomson un Teresa Church |
| Grünnt | 1830 |
| Grünner | George Donald |
| Washstill(s) | 1 x 12.000 l |
| Spiritstill(s) | 2 x 4.000 l |
| Produkschoonsvolumen | 250.000 l |
| Websteed | www.annandaledistillery.co.uk |
Annandale is en Whisky-Brenneree bi Annan, Dumfries and Galloway, Schottland.
Historie
[ännern | Bornkood ännern]De Brenneree is 1830 vun George Donald in de Neeg vun de Stadt Annan grünnt worrn[1]. 1883 is de Destille an John Gardner verköfft worrn, de se na teihn Johren an Johnnie Walker wieter verköfft hett. De hett ehr aver 1924 stillleggen müsst[2][3] un verköff dat Grundstück an en Familie Robinson, de dor denn Landweertschop bedreven hett. Mitt vun de 1880er Johren hett Alfred Barnard de Destille besöcht, so dat ut de Tiet en rieken Bericht över den Bedrief wohrt worrn is. Dormols schall de Brenneree in’t Johr ruchweg 28.000 Gallonen produzeert hebben[4].
De Brenneree-Bowarken sünd 2007 vun David Thomson un Teresa Church köfft worrn, de vun 2011 an mit den Bo to’n Wedderapenmaken anfungen hebbt[2]. Dat erste Fatt dorna weer in’n November 2014 affüllt.[3][5][6][7]
Produkschoon
[ännern | Bornkood ännern]De Brenneree Annandale liggt in dat schottische Whiskyrebeet Lowlands. Plaant is, dat anfangs en rökerigen Whisky produzeert warrn schall. Man, de Produkschoonssteden sünd groot noog, dat blangento ok en nich rökerten Whisky herstellt warrn kann. Luut Websteed gifft dat dorför scheedte low wines un spirit receiver, üm de ünnerscheedlichen Whiskys nich to vermischen[8].
In de Brenneree gifft dat en Meeschfatt (mash tun) vun 2,5 Tunnen un veer hölten Gäärfatten (wash backs), vun de jeedeen 12.000 l opnehmen kann. Brennt warrt in en wash still vun 12.000 l un twee spirit stills to 4.000 l. Produzeren deit de Destille in’t Johr ruchweg 250.000 l reinen Alkohol[9]
Kiek ok
[ännern | Bornkood ännern]Literatur
[ännern | Bornkood ännern]- A. Barnard: Die Whiskybrennereien des Vereinigten Königreichs, Monsenstein und Vannerdat, Münster, 2012. ISBN 978-3-86991-497-8. Originalutgaav: A. Barnard: The Whisky Distilleries of the United Kingdom, Harper’s Weekly Gazette, London, 1887.
Borns
[ännern | Bornkood ännern]- ↑ Informatschonen op Scotlandsplaces.gov.uk
- ↑ a b Egene Websteed vun de Annandale-Brenneree
- ↑ a b Artikel: Annandale Distillery takes a major step forward, vun’n Dumfries and Galloway Standards, 2010
- ↑ A. Barnard: Die Whiskybrennereien des Vereinigten Königreichs, Monsenstein und Vannerdat, Münster, 2012, S. 280–281. ISBN 978-3-86991-497-8.
- ↑ Annandale Diary of the rebuilding , afropen an’n 16. November 2014
- ↑ Annandale distillery to fill its first cask, afropen an’n 16. November 2014
- ↑ Whisky im Bild: Annandale füllt erstes Fass, afropen an’n 16. November 2014
- ↑ Annandale Whisky, afropen an’n 16. November 2014
- ↑ Annandale-Designing The Plant, afropen an’n 16. November 2014
Koordinaten:55° 0′ N, 3° 16′ W