Glenallachie

Vun Wikipedia
Glenallachie

Brenneree Glenallachie

Land Schottland
Region Speyside
Tyyp Malt
Status aktiv
Besitter Pernod Ricard
Grünnt 1967
Grünner Mackinlay McPherson Ltd.
Architekt William Delmé Evans
Waterborn Burn Water
Washstill(s) 2 × 36.369 l
Spiritstill(s) 2 × 23.911 l
Produkschoonsvolumen 2.800.000 l

Glenallachie is en Whisky-Brenneree bi Aberlour, Banffshire, Schottland.

Historie[ännern | Bornkood ännern]

De Destille is 1967 vun Mackinlay McPherson Ltd. grünnt worrn – dat is en Dochterünnernehmen vun de Scottish & Newcastle Breweries Ltd. William Delmé Evans weer de Architekt vun de Anlaag. 1985 sünd de Brennereen Glenallachie un Isle of Jura an de Invergordon Distillers verköfft worrn. Twee Johren later is de Brenneree dicht maakt worrn, vunwegen dat dor ok de Tiet över nix mehr produzeert worrn is. 1989 hett Campbell Distillers (Pernod Ricard) de Brenneree övernahmen un vun twee op veer Brennblasen opstockt. Denn is de Produkschoon wedder anlopen.

Produkschoon[ännern | Bornkood ännern]

De Glenallachie-Brenneree höört to de Whisky-Region Speyside. Se betütt ehr Water vun’t Burn Water (Borns vun’n Ben Rinnes). Dat Molt warrt vun frömme Moltereen anköfft. In de Brenneree gifft dat en Meeschfatt (mash tun) ut Eddelstahl för 9,5 Tunnen un söss Gäärfatten (wash backs) vun jeedeen 60.000 l. Brennt warrt in twee wash stills to 36.369 l un twee spirit stills to 23.911 l, de dör Damp hitt maakt warrt.

De Whisky vun Glenallachie warrt vör allen för de bekannten Blends Clan Campbell un House of Lords bruukt.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken[ännern | Bornkood ännern]

Glenallachie. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 27′ N, 3° 14′ W