Knockando (Brenneree)
| Knockando | |
|---|---|
 Brenneree Knockando (Foto: Bob Jones) | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Diageo |
| Grünnt | 1898 |
| Grünner | Ian Thomson |
| Waterborn | Cardnach Spring |
| Washstill(s) | 2 × 10.800 l |
| Spiritstill(s) | 2 × 7.000 l |
| Produkschoonsvolumen | 1.290.000 l |
| Websteed | www.classic-malts.de |
Knockando [ˌknɔkanˈduˑ], gäälsch Cnoc-an-dubh Swart Hövel, is en Whisky-Brenneree in Knockando, Morayshire, Schottland. De Destille höört to’n Spirituosenkunzern Diageo (fröher: United Distillers). De Whisky is Deel vun de Classic-Malts-Reeg, de vun den Kunzern rutgeven warrt.
Historie
[ännern | Bornkood ännern]De Brenneree Knockando is 1898 vun Ian Thomson an’t Över vun den Stroom Spey grünnt worrn, to de Tiet as vele Brennereen entstahn sünd. De Naklapp weer, dat toveel Whisky produzeert weer un de Industrie dorachter kort later in de Knee gahn is. So keem dat, dat ok Knockando bedrapen weer: De Brenneree weer vun 1900 bit 1904 dicht maakt un is denn to en bannig sieten Pries vun jüst mol 3.500 Pund Sterling an W & A Gilbey Ltd. verköfft worrn. 1952 weer de Destille vun Justerini & Brooks övernahmen. De Tall vun de Brennblasen is 1969 op veer Stück verdubbelt worrn. 1975 is se in den Besitt vun IDV/Grand Metropolitan övergahn. Vundaag höört se Diageo.
Produkschoon
[ännern | Bornkood ännern]
Wegen ehr Laag höört de Destille Knockando to dat schottische Whiskyrebeet Speyside. Dat Water för de Produkschoon stammt ut den Cardnach Spring. Brennt warrt in twee wash stills un twee spirit stills. En groten Deel vun den Whisky warrt versneden un is en wichtigen Bestanddeel vun den Blended Whisky J&B. De 12-johrige Single Malt vun Knockando höört siet 2005 Deel to de Classic Malts ut dat Marketing-Programm vun Diageo.
Kiek ok
[ännern | Bornkood ännern]Borns
[ännern | Bornkood ännern]- Valeria Camaschella (Rutgeversche): Whisky. Edle Destillate für Genießer und Kenner. Kaiser, Klagenfurt 2007, ISBN 978-3-7043-1426-0.
- Knockando - Die Distillerie. Malts.com, afropen an’n 2. Dezember 2013
Weblenken
[ännern | Bornkood ännern]
Koordinaten:57° 28′ N, 3° 21′ W