Classic Malts

Vun Wikipedia
Zur Navigation springen Zur Suche springen
Sammelpaket vun de söss ‚klass’schen‘ Classic Malts

As Classic Malts warrt en Reeg vun dörteihn (fröher weern dat blots söss) verschedene schottische Single-Malt-Whiskys betekent, de ut dat Programm vun den Spirituosenkunzern Diageo (ehmols United Distillers) stammt.

Classic Malts[ännern | Bornkood ännern]

De Classic-Malt-Reeg is 1987 inföhrt worrn un bestünn ut Whiskys ut de Whiskyrebeden Lowlands, Highlands, Speyside un Islay as ok de eenzige Brenneree op dat Eiland Skye. Dat Rebeet Campbeltown weer nich dorbi. To de Tiet in de 1980er Johren harr de schottische Single-Malt-Whisky groten Opswung, de al 1963 bi Glenfiddich sien Anfang nahmen hett. De Whiskykenner Walter Schobert hett de Reeg ’n hogen Verdeenst för’t Wedderopstahn vun’n Scotch Single Malt tosproken, vunwegen dat se to’n eersten mol op de Veelsietigkeit vun den Drunk henwiesen un de Bedüden vun de regionale Afkumst düütlich maken de[1].

De Reeg harr toeerst den Ansprook, mit söss verscheden Affüllen, de söss klass’schen Whiskyrebeden vun Schottland aftobilln. Dorbi stünn de Talisker för dat Eiland Skye, Dalwhinnie för de Highlands, Oban för de West Highlands, Glenkinchie för de Lowlands, Lagavulin för dat Eiland Islay un de Cragganmore för de Speyside. Disse Indeelen warrt nich överall acht un hett ok nix mit de Indeelen na den Weertschopsverband Scotch Whisky Association to doon.

2005 hett Diageo de Reeg in Classic Malts Selection ümnöömt un wietere Affüllen vun de Brennereen Caol Ila, Clynelish, Glen Elgin, Knockando un Royal Lochnagar dorto doon. Siet 2007 is de 10-johrige Glenkinchie ut dat Programm nahmen worrn. An sien Steed keem en 12-johrigen dorto. Dorna sünd ok noch Whiskys ut de Brennereen Cardhu un Dufftown toföögt worr. Blangen de Standard-Affüllen warrt butendem ok en Distillers Edition vun de glieken Marken anboden, de sik aver vun de egentlichen Classic Malts ünnerscheedt, vunwegen dat se in sünnere Fatten nalagert worrn sünd (Finishing).

Produkt-Översicht[ännern | Bornkood ännern]

Whisky Öller Vol. % Rebeet Distillers Edition Siet
Caol Ila 12 43 % Islay Moscatel 2005
Cardhu 12 40 % Speyside 2008
Clynelish 14 46 % North Highlands Oloroso 2005
Cragganmore 12 40 % Speyside Portwien 1987
Dalwhinnie 15 43 % Highlands Oloroso 1987
Glen Elgin 12 43 % Speyside 2005
Glenkinchie 10, 12 (*) 43 % Lowlands Amontillado 1987
Knockando 12 43 % Speyside 2005
Lagavulin 16 43 % Islay Pedro Ximénez 1987
Oban 14 43 % West Highlands Montilla Fino 1987
Royal Lochnagar 12 40 % East Highlands Moscatel 2005
Talisker 10 45,8 % Isle of Skye Amoroso 1987
The Singleton of Dufftown 12 40 % Speyside

(*) De 10-johrige Glenkinchie is in’n August 2007 vun’n 12-johrigen aflööst worrn.

Gallerie vun de eersten söss Classic Malts[ännern | Bornkood ännern]

Gallerie vun de lateren Classic Malts[ännern | Bornkood ännern]

Kiek ok[ännern | Bornkood ännern]

Borns[ännern | Bornkood ännern]

  1. Walter Schobert (Schriever), Carsten Eichner (Fotograf): Scotch Whisky. Wasser des Lebens. 3. Oplaag. Hädecke, Weil der Stadt 2010, ISBN 978-3775004879, S. 75, 83, 84.

Weblenken[ännern | Bornkood ännern]