Islay
Islay (Schottsch Gäälsch Ìle, [ˈiːʎə]) is en Eiland, dat to de Binneren Hebriden in Schottland höört. Dat is dat Eiland vun de Binneren Hebriden, wat opwiedst in Süden liggt. Islay hett 3457 Inwahners op 619,56 km². De Hööftoort is Bowmore.
De hööchste Punkt op dat Eiland is de Beinn Bheigier mit 491 Meter. Blangen den Hööftoort Bowmore gifft dat noch de Dörper Port Ellen, Port Charlotte, Portnahaven, Bridgend un Port Askaig op Islay.
An Industrie gifft dat vör allen Whisky-Destillen. För den Tourismus intressant sünd de velen Vagels, de Vagelkiekers anlocken doot.
Koordinaten:55° 46′ N, 6° 9′ W