Staffa

Vun Wikipedia

Dit Woort hett noch annere Bedüden: kiek dorför ünner Staffa (Mehrdüdig Begreep).

De Fingalshöhl üm 1900
Blick vun West na Oost

Staffa is en lütt Felseneiland, dat an de Westküst vun Schottland liggt un to de Binneren Hebriden in Argyll un Bute höört.

Dat Eiland hett kene Inwahners, warrt aver elk Dag vun en poor Utflogsbööd besöcht. De hööchste Punkt is 42 Meters över dat Meer. Staffa is blot 500 mal 1000 Meters un dormit 0,29 Quadratkilometers groot, hett aver dree bekannte Sehnswöördigkeiten.

De Basaltsülen vun Staffa sünd sösseckige Sülen ut Basalt, de sik bi't Kooltwarrn vun Lava formt hebbt. De Fingalshöhl is en dör de Bülgenknööv formte, 80 Meters lange un teihn Meters brede Höhl, de na den keltschen Sagenkönig Fingal nöömt is. Se schall den Komponist Felix Mendelssohn Bartholdy to siene Hebriden-Sinfonie inspireert hebben. Todem gifft dat op Staffa ene Seevagelkolonie, to de en poor hunnert Papageidüker höört.


Koordinaten:56° 26′ N, 6° 20′ W

Weblenken[ännern | Bornkood ännern]

Staffa. Mehr Biller, Videos oder Audiodateien to’t Thema gifft dat bi Wikimedia Commons.