Glenkinchie

Vun Wikipedia
Zur Navigation springen Zur Suche springen
Glenkinchie
Glenkinchie Distillery1.jpg

Brenneree Glenkinchie

Land Schottland
Region Lowlands
Tyyp Malt
Status aktiv
Besitter Diageo
Grünnt 1825
Grünner George un John Rate
Waterborn Lammermuir Springs
Washstill(s) 1 × 30.963 l
Spiritstill(s) 1 x 20.998 l
Produkschoonsvolumen 1.700.000 l

Glenkinchie is en Whisky-Brenneree bi Pencaitland, East Lothian, Schottland. Se höört to’n Spirituosenkunzern Diageo (ehmols United Distillers), de en Deel vun den Whisky in jehmer Classic Malts-Reeg vermarkten deit. Die Bowarken vun de Brenneree sünd deelwies in de schottischen Denkmollisten in de Kategorie B inordent[1].

Historie[ännern | Bornkood ännern]

De Destille weer 1825 ünner den Naam Milton vun de Bröder George un John Rate grünnt un eerst 1837 in Glenkinchie ümnöömt. De Rate-Bröder sünd 1853 bankrott gahn, so dat bit 1881 keen Whisky mehr herstellt weer. 1914 is de Brenneree an de Scottish Malt Distillers (SMD) gahn. As vele annere ok, is de Brenneree vun 1917 bit 1920 dicht maakt wesen. De Molteree (Floor maltings) vun Glenkinchie is 1968 opgeven worrn, een Johr later weer dorvun en Museum maakt. 1987 weer se an de United Distillers & Vintners (UDV) verköfft un güng dormit opletzt in den Besitt vun Diageo. Se is vundaag een vun de wenigen Destillen, de in de Lowlands noch Whisky brennen deit.

Produkschoon[ännern | Bornkood ännern]

De beiden Brennblasen vun Glenkinchie (Foto: Chris Allen)
De 12-johrige Classic Malt

Glenkinchie is een vun de wenigen Destillen, de in de Lowlands noch hüüt Whisky brennen doot. Ehr Water kriggt de Brenneree ut de Lammermuir Springs. In de Destille gifft dat en Meeschfatt (mash tun) vun 8,5nbsp;t un söss Gäärfatten (wash backs) ut Lärken- un Pinienholt, de tosamen 258.000 l faten doot. Brennt warrt in en wash still vun 20.963 l un en spirit still vun 20.998 l, de mit Damp hitt maakt warrt.

De Standard-Whisky, de ok as een vun de Classic Malts verköfft warrt, is de twölfjohrige Glenkinchie, de 2007 den teihnjohrigen aflööst hett. De Brenneree hett en Besöker-Zentrum un kann besichtigt warrn.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Borns[ännern | Bornkood ännern]

  1. Indrag in de schottischen Denkmollisten

Weblenken[ännern | Bornkood ännern]

Commons-logo.svg Glenkinchie. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:55° 53′ N, 2° 53′ W