Royal Lochnagar

Vun Wikipedia
Zur Navigation springen Zur Suche springen
Royal Lochnagar
Royal Lochnagar Distillery Main Building 2012.jpg

De Brenneree Royal Lochnagar (Hööfthuus)

Land Schottland
Region Highlands
Tyyp Malt
Status aktiv
Besitter Diageo
Grünnt 1845
Grünner John Begg
Waterborn Scarnock Springs
Washstill(s) 1
Spiritstill(s) 1
Produkschoonsvolumen 450.000 l
Websteed www.discovering-distilleries.com/royallochnagar

Royal Lochnagar is en Whisky-Brenneree in Ballater, Aberdeenshire, Schottland. Se liggt in de Neeg vun’n Stroom Dee ruchweg twee Kilometers den Stroom daal vun’t Slott Balmoral Castle, dat in’n Besitt is vun de königliche Familie. Ehrn Naam hett de Destille vun den Barg Lochnagar dicht bi. De Bowarken vun de Brenneree-Anlaag sünd in de schottischen Denkmollisten in de Kategorie B inordent[1].

Historie[ännern | Bornkood ännern]

De Brenneree is 1845 vun John Begg grünnt worrn. Queen Victoria hett 1848 dat Slott Balmoral köfft un weer noch dat glieke Johr to Besöök bi de Destille, woneem se denn ok den Whisky versöcht hett. Begg weer to’n Hoffleverer maakt un so künn de Destille vun doran den Binaam Royal drägen. Vun 1916 an weer de Brenneree in’n Besitt vun de Distillers Company Ltd. un is dormit inst vun de Diageo (vörher United Distillers) övernahmen worrn. De Royal Lochnagar warrt hüüt as Deel vun de Classic Malts vun den Kunzern vermarkt.

Produkschoon[ännern | Bornkood ännern]

De Brenneree tellt eher to de lütteren schottischen Destillen. Se höört to dat schottische Whiskyrebeet Highlands un betütt ehr Water för de Produkschoon ut de Scarnock Springs. För de Meesch warrt vör allen öörtlich anboeten Gassen bruukt. Brennt warrt mit blots twee Brennblasen.

An’n bekanntsten is de 12-johrige Single Malt Royal Lochnagar, den dat ok in’n Supermarkt to köpen gifft. Dorto gifft dat noch sünnere Original-Affüllen un ok welke vun unafhangige Affüllers. Bito is de Whisky ok Bestandeel vun verschedene Blends as vun’n Johnnie Walker (Gold un Blue Label) oder vun’n Dimple.

Kiek ok[ännern | Bornkood ännern]

Borns[ännern | Bornkood ännern]

  1. Indrag in de schottischen Denkmollisten

Weblenken[ännern | Bornkood ännern]

Commons-logo.svg Royal Lochnagar. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 2′ N, 3° 13′ W