Glen Elgin
| Glen Elgin | |
|---|---|
 De Brenneree Glen Elgin (Foto: Anne Burgess) | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Diageo |
| Grünnt | 1898 |
| Grünner | William Simpson |
| Architekt | Charles Chree Doig |
| Waterborn | Millbuies Springs |
| Washstill(s) | 3 × 11.000 l |
| Spiritstill(s) | 3 × 11.700 l |
| Produkschoonsvolumen | 1.800.000 l |
| Websteed | www.malts.com/index.php/Our-Whiskies/Glen-Elgin |
Glen Elgin is en Whisky-Brenneree bi Elgin, Morayshire, Schottland.
Historie
[ännern | Bornkood ännern]Glen Elgin is 1898 vun William Simpson grünnt worrn, de fröher Manager bi de Brenneree Glenfarclas weer. Ünnerstütt weer he dorbi vun James Carle. De Produkschoon hett in’n Mai 1900 anfungen, weer aver al na fief Maanden wedder instellt. In’n Februar 1901is de Destille för 4.000 Pund Sterling op en Aukschoon an de Glen Elgin-Glenlivet Distillery Co. verköfft worrn. 1904 lööp de Produkschoon wedder an, man een Johr later weer se wedder ünnerbroken. 1906 hett de Wienhökerer J. J. Blanche Co. de Brenneree för 7.000 Pund köfft un füng wedder an to produzeern. Blanche is 1929 doodbleven un so weer de Brenneree wedder to verköpen. De Scottish Malt Distillers (SMD) hett ehr denn 1930 övernahmen. De Lizenz güng an de White Horse Distillers. 1964 is de Destille Glen Elgin renoveert worrn. Dorbi weer de Tall vun de Brennblasen op söss vergröttert. 1987 is se vun UDV/Diageo övernahmen worrn, 1992 weer se noch mol renoveert[1].
Produkschoon
[ännern | Bornkood ännern]
De Brenneree Glen Elgin höört to dat schottische Whiskyrebeet Speyside. Se betütt ehr Water för de Produkschoon ut de Millbuies Springs. Dat Molt warrt vun de United-Distillers-Moltereen in Burghead un Roseisle anköfft. In de Brenneree gifft dat en Meeschfaat (mash tun) ut Eddelstahl vun 8,2 Tünnen un söss Gäärfatten (wash backs) to 40.600 l. Brennt warrt in dree wash stills to 11.000 l un dree spirit stills to 11.700 l, de dör Dampspiralen hitt maakt warrt[2].
De Glen Elgin warrt to’n groten Deel för de Produkschoon vun Blendes Whisky bruukt. He is en Hööftkumponente vun den White Horse. Siet 2005 warrt de 12-johrige Single Malt vun Glen Elgin in de Reeg vun de Classic Malts vun Diageo anboden.
Kiek ok
[ännern | Bornkood ännern]Literatur
[ännern | Bornkood ännern]- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns
[ännern | Bornkood ännern]- ↑ http://www.gordonandmacphail.com/wg_GlenElginDistillery.html
- ↑ Misako Udo: The Scottish Whisky Distilleries. Black & White Publishing, Edinburgh 2006, ISBN 1-845-021304.
Weblenken
[ännern | Bornkood ännern]
Koordinaten:57° 36′ N, 3° 17′ W