Glendullan
| Glendullan | |
|---|---|
 Glendullan-Brenneree (Foto: Christopher Gillan) | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Diageo |
| Grünnt | 1897 |
| Grünner | William Williams & Sons Ltd. |
| Waterborn | Borns in de Convall Hills |
| Washstill(s) | 3 × 23.800 l |
| Spiritstill(s) | 3 × 33.700 l |
| Produkschoonsvolumen | 3.700.000 l |
Glendullan is en Whisky-Brenneree in Dufftown in de Graffschop Aberdeenshire in de schottischen Highlands.
Historie[ännern | Bornkood ännern]
De Brenneree Glendullan is de söövte Whisky-Destille, de in Dufftown un ümto boet worrn is. Se weer 1897 in direkte Naverschop vun de Brennereen Glenfiddich un Balvenie boet un schüll de Gööd vun de Produkten vun disse Brennereen seker stellen. De Brenneree is 1902 beropen worrn, vunwegen dat König Edward VII den Whisky ut de Brenneree as sien leefsten Whisky beteken de[1]. Laterhen sünd noch twee annere Destillen boet worrn. Hüüt sünd noch söss Herstellers in dat Rebeet aktiv. 1919 hett sik Williams de Greenlees Brothers ansloten, de to de Tiet to Alexander & MacDonald höörn deen. In de Tiet twüschen 1940 un 1947 weer de Destille dicht maakt. 1962 is se vun Grund op renoveert worrn. Blangen de ollen Brenneree is 1970/71 en Neebo mit söss Brennblasen boet worrn. Vun 1972 an hebbt toeerst beide Anlagen Whisky herstellt, man de olle Destille is 1985 dicht maakt worrn.
Produkschoon[ännern | Bornkood ännern]
Glendullan höört to dat schottische Whiskyrebeet Speyside un krigg sien Water för de Produkschoon ut Borns in de Convall Hills. Dat Molt, wat för den Whisky bruukt warrt, köfft de Destille vun de United Distillers-Moltereen in Burghead, Roseilse un Muir of Ord. De Produkschoon löpt över een Meeschfatt (mash tun) vun 12 t un acht Gäärfatten (wash backs), vun de jeedeen 65.000 l opnehmen kann[2]. Vundaag is de Brenneree de tweetgröttste vun Diageo mit en Kapazität vun 3.700.000 Liter reinen Alkohol jeed Johr. Ruchweg 97 % vun den produzeerten Whisky warrt för Blends verbruukt. As Single Malt Whisky is de Marke aver teemlich unbekannt.
Kiek ok[ännern | Bornkood ännern]
Literatur[ännern | Bornkood ännern]
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns[ännern | Bornkood ännern]
- ↑ Ingvar Ronde: Malt Whisky Yearbook 2008. MagDig Media Ltd., Shrewsbury 2007, ISBN 978-0-9552607-2-8.
- ↑ Misako Udo: The Scottish Whisky Distilleries. Black & White Publishing, Edinburgh 2006, ISBN 1-845-021304.
Weblenken[ännern | Bornkood ännern]
Koordinaten:57° 27′ N, 3° 7′ W