Balvenie

Vun Wikipedia
Balvenie

Balvenie-Brenneree (2006)

Land Schottland
Region Speyside
Tyyp Malt
Status aktiv
Besitter William Grant & Sons
Grünnt 1892
Grünner William Grant
Waterborn Robbie-Dubh-Borns
Washstill(s) 2 × 12.729 l, 2 × 9.092 l
Spiritstill(s) 5 × 12.729 l
Produkschoonsvolumen 5.600.000 l
Websteed www.thebalvenie.com

Balvenie is en Whiskybrenneree bi Dufftown, Banffshire, Schottland.

Historie[ännern | Bornkood ännern]

De Brenneree Balvenie is 1892 vun William J. Grant grünnt worrn, de ok al de Glenfiddich-Brenneree grünnt harr. Se ünner de Glenfiddich-Distille an de Häng vun de Convals in de Neeg vun den Oort Dufftown. Op dat Rebeet vun Glenfiddich gifft dat mit Kininvie noch en drüdde Brenneree, de in’t Johr 1990 apen maakt hett. Balvenie is en fröheren Naam vun den Oort Dufftown. In de Neeg kann een ok hüüt noch de Ruinen vun’t Balvenie Castle besöken.

De Brenneree weer mit bruukte Brennblasen vun de Destillen Lagavulin un Glen Albyn utrüst, vunwegen dat dat weniger kösten de. De eerste Brennloop weer an’n 1. Mai 1893. De Tall vun de Brennblasen weer in’t Johr 1957 op veer opstockt, de Brenneree sülvst weer 1965 un 1971 renoveert un utboet. Eerst weern noch mol twee Brennblasen inricht, un later noch een wietere. Intwüschen arbeit de Destille mit negen Brennblasen.

Dat Water to’n Brennen stammt ut de öörtlichen Robbie-Dubh-Borns, de sik de Brenneree mit Glenfiddich delen deit, jüst so as de Ketelsmeed un annere Warksteden. Ok de Brennmeester David Steward is för beide Brennereen tostännig. Vun dat verbruukte Molt schüllt vundaag blots noch 15 % ut egen Produkschoon kamen. En annern Ünnerscheed to Glenfiddich is de Törf, de vun Hand utsöcht, sneden un dröögt warrt. De eerste Single Malt is eerst 1973 affüllt worrn. Bit dorhen weer mit den Whisky de huusegene Blend herstellt.

Produkschoon[ännern | Bornkood ännern]

En Buddel Balvenie-Whisky

För de Produkschoon vun Balvenie gifft dat een Meeschfatt (mash tun) vun ruchweg 10,2 t, teihn Gäärfatten (wash backs) ut Douglasienholt, veer wash stills un fief spirit stills, de mit Dampspiralen binnen in hitt maakt warrt. De Damp sülvst kummt vun de Afhitt vun Glenfiddich.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3

Weblenken[ännern | Bornkood ännern]

Balvenie. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 27′ N, 3° 8′ W