Octomore

Vun Wikipedia
Octomore
Land Schottland
Region Islay
Tyyp Malt
Status stillleggt (1852)
Besitter
Grünnt 1816
Grünner George Montgomery
Washstill(s) 1 x 273 l[1]

Octomore weer en Whisky-Brenneree in Port Charlotte op dat Eiland Islay Schottland. De Whisky dee also vundaag in dat schottische Whiskyrebeet Islay fallen.

Historie[ännern | Bornkood ännern]

De Brenneree is 1816 vun George Montgomery in den Havenoort Port Charlotte op Islay dicht an de Küst vun Loch Indaal grünnt. De Anlaag is 1852 vun Thomas Pattison övernahmen worrn, de ehr noch in’t glieke Johr dichtmaakt hett[2]. Över de Historie vun de Destille is nich veel bekannt, vunwegen dat doröver kuum wat schreven worrn is. 2008 is vun de Brenneree Bruichladdich de Plaan publiek maakt worrn, de olle Brenneree wedder apentomaken[3]. Man nu is Bruichladdich jüst dorbi, ok de olle Lochindaal-Brenneree wedder nee optoboen[4], so dat dat nich so wohrschienlich is, dat de Plaan in nächste Tiet ümsett warrt.

De Destille Bruichladdich bringt aver al siet eenige Johren en egenen Single-Malt-Whisky ünner den Naam Octomore op’n Markt, de för sien hogen Phenolandeel bekannt is un as de törfigste Whisky weltwiet gellt.

Kiek ok[ännern | Bornkood ännern]

Borns[ännern | Bornkood ännern]

  1. Misako Udo: The Scottish Whisky Distilleries. Black & White Publishing, Edinburgh 2006, ISBN 1-845-021304.
  2. Indrag to de Octomore-Brenneree bi wormtub.com
  3. Inrag op maltmadness.com
  4. Indrag op islayinfo.com


Koordinaten:55° 45′ N, 6° 23′ W