Bunnahabhain (Brenneree)

Vun Wikipedia
Zur Navigation springen Zur Suche springen
Bunnahabhain
Bunnahabhain Distillery - geograph.org.uk - 46366.jpg

Brenneree Bunnahabhain (Bild: Chris Upson)

Land Schottland
Region Islay
Tyyp Malt
Status aktiv
Besitter Distell Group Ltd.
Grünnt 1881
Grünner James Ford, James Greenlees un William Robertson
Waterborn Stroom Margadale
Washstill(s) 2 x 35.386 l
Spiritstill(s) 2 x 15.546 l
Produkschoonsvolumen 2.500.000 l
Websteed www.bunnahabhain.com

Bunnahabhain (Schottsch-Gäälsch: Bun na h-abhainn; utsnackt: Búnăhávin[1] för Oorsprung vun’n Stroom (de Brenneree nimmt ehr Water vun den Margadale-Born)[2]) is en Whisky-Brenneree in Bunnahabhain bi Port Askaig op Isle of Islay, Schottland. De Bowarken vun de Brenneree sünd in de schottischen Denkmallisten in de Kategorie C inordent.[3]

Historie[ännern | Bornkood ännern]

Laag vun de Brennereen op Islay

De nöördlichste Destille vundat Eiland Islay is 1881 vun James Ford, James Greenlees un William Robertson an de Münn vun’n Stroom Margadale grünnt worrn. Üm de Brenneree rüm is na un na de lütte Oort tostannen kamen, de den glieken Naam driggt. De Produkschoon is 19883 anlopen. Twüschen 1939 un 1937 weer de Brenneree dicht maakt. 1963 is se üm een wash- un een spirit-still vergröttert worrn. Twüschen 1999 un 2003 is blots af un to produzeert worrn. Bit dorhen weer de Destille in’n Besitt vun de Highland Distillers (The Edrington Group). As de Gefohr bestünn, dat de Brenneree dicht maakt warrn müss, weer se 2003 an de Burn Stewart Distillers verköfft. Dat Ünnernehmen, und dormit ok de Destille, weer aver in’n April 2013 vun de süüdafrikaansche Distell Group Ltd. köfft.[4]

Produkschoon[ännern | Bornkood ännern]

Infohrt na de Destille

De Destille höört to dat schöttische Whiskyrebeet Islay. Se kriggt ehr Water ut en Born ünner de Eer vun den Stroom Margadale. Dat Water bargt sülvst wenig Törf un warrt över en Pipeline na de Brenneree föhrt. Dat Molt för de Produkschoon warrt to’n Deel ut de Molteree vun de Destille Port Ellen betogen.

In de Brenneree gifft dat en Meeschfaat ut Eddelstahl vun 12,5 t un söss Gäärfatten to 66.000 l. Brennt warrt in tosamen veer Brennblasen. De twee wash stills to 35.386 l sünd de gröttsten in Schottland. De beiden spirit stills hebbt en Volumen vun 15.546 l. De Brennblasen warrt mit Damp hittmaakt; köhlt warrt de Brennapparat mit Water vun en lütten Beek, de ut den Loch Staoisha aflöppt.[5]

De Brenneree gifft en gröttere Tall an Originialaffüllen vun Single Malts rut.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Borns[ännern | Bornkood ännern]

  1. Utspraak vun abhainn
  2. Edward Dwelly: Dwelly’s Illustrated Gaelic to English Dictionary, 1977, S. 141, bruukt för bun ok de Bedüden: 4. mouth of a river = Münn
  3. [portal.historic-scotland.gov.uk/designation/LB12116 Indrag in be Historic Scotland]
  4. Burn Stewart Distillers bought by Distell for £160m afropen an’n 3. Dezember 2015
  5. The Scotsman: Finely distilled chaser to the whisky heritage of Islay, 21. November 2004.

Weblenken[ännern | Bornkood ännern]

Commons-logo.svg Bunnahabhain. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:55° 53′ N, 6° 8′ W