Kininvie (Brenneree)

Kininvie
Land	Schottland
Region	Speyside
Tyyp	Malt
Status	aktiv
Besitter	William Grant & Sons
Grünnt	1990
Waterborn	Conval Hills
Washstill(s)	3
Spiritstill(s)	6

Kininvie is en Whisky-Brenneree in Dufftown, Moray. Se höört William Grant & Sons, de in disse Destille Malt-Whisky to’n Versnieden mit de huusegenen Blended Whiskys herstellen deit.

Historie[ännern | Bornkood ännern]

De Brenneree Kininvie höört to de jüngsten Destillen vun Schottland. Se hett den Bedrief an’n 4. Juli 1990 opnahmen^[1]^[2]. De Brenneree is op dat Grundstück vun de Balvenie-Brenneree boet worrn un besteiht ut blots een Brennhuus mit en moderne reeknerkontrolleerte Destillatschoonsanlaag. De annern Vörgäng vun de Produkschoon warrt vun de Balvenie-Brenneree mit övernahmen, so as dat Meeschen.^[1]. Üm de Nafraag aftodecken löpt de Bedrief ahn Ünnerbreken.

Meist de hele Whisky warrt för de Blended Whiskys vun William Grant & Sons bruukt. 2010 weer Kinvie dicht maakt, as de Ailsa Bay vun den Kunzern ehr Produkschoon opnahmen hett. 2012 is Kininvie aver wedder in Bedrief gahn.

Produkschoon[ännern | Bornkood ännern]

De Brenneree steiht in dat schottische Whiskyrebeet Speyside un kriggt ehr Water för de Produkschoon ut de Conval Hills. Brennt warrt in dree wash stills un söss spirit stills. Bit hüüt sünd ut de Destille blots twee Single-Malt-Whiskys rutbröcht worrn. De eerste is en lütte Utgaav mit den Naam Hazelwood 105, de tweete heet Hazelwood Reserve. De gröttste Deel vun den produzeerten Whisky ut de Kininvie-Brenneree geiht aver in de Produkschoon vun Blended Whiskys, vör allen vun den Clan MacGregor, de sik dör en hogen Andeel an Grain-Whisky uttekent. Siet 2005 gifft dat vun William Grant & Sons ok en Blended-Malt-Whisky ünner den Naam Monkey Shoulder, de ut de Single Malts vun de Grant-Destillen Kininvie, Balvenie un Glenfiddich versneden warrt^[3].