Glen Moray

Vun Wikipedia
Glen Moray

De Brenneree Glen Moray

Land Schottland
Region Speyside
Tyyp Malt
Status aktiv
Besitter La Martiniquaise
Grünnt 1897
Grünner Glen Moray Glenlivet Distillery Co. Ltd.
Waterborn Lossie
Washstill(s) 3 × 9.900 l
Spiritstill(s) 3 × 5.800 l
Produkschoonsvolumen 3.500.000 l
Websteed www.glenmoray.com

Glen Moray is en Whiskybrenneree in de Neeg vun Elgin, Morayshire, Schottland.

Historie[ännern | Bornkood ännern]

De Destille Glen Moray is 1897 dör de Glen Moray Glenlivet Distillery Co. Ltd. grünnt un boet worrn. Grundlaag dorför weer de Ümbo vun en fröhere Broeree (West Brewery), de 1828 boet worrn is. 1910 is de Brenneree dicht maakt worrn. 1912 is se wedder apen maakt worrn, weer aver kort dorna wedder dicht maakt. In’t Johr 1920 is de Brenneree vun Macdonald & Muir Ltd. övernahmen worrn, de twee Johren vörher ok al de Brenneree Glenmorangie opköfft harrn. 1923 is Glen Moray denn wedder in Bedrief gahn.

1958 is de Destille renoveert worrn. Dorbi sünd de Floor Maltings gegen en Saladin Box dörtuuscht worrn. Siet 1978 produzeert de Destille aver keen egen Molt mehr. 1979 weer de Brenneree vun twee op veer Brennblasen vergröttert, 1992 weern de beiden ölleren Brennblasen gegen ne’e uttuuscht. Dat Ünnernehmen Macdonald & Muir hett sik 1996 in Glenmorangie plc. ümnöömt un is in’n Oktober 2004 vun Louis Vuitton Moët Hennessy övernahmen worrn. In’n September 2008 weer de Brenneree an La Martiniquaise verköfft. 2014 is de Brenneree noch mol üm twee ne’e Brennblasen vergröttert worrn, 2015 schüllt wietere teihn Brennblasen dortokamen.

Glen Moray kummt in de Whiskyhistorie en sünnere Bedüden to, vunwegen dat Macdonald & Muir dor mit jemehr wood finish Versöken anfungen hebbt, de later jemehr annere Brenneree Glenmorangie bekannt maakt hebbt. Siet Juli 2004 gifft dat bi de Brenneree ok en Besökerzentrum.

Produkschoon[ännern | Bornkood ännern]

Single-Malt-Whisky vun Glen Moray

Glen Moray höört to dat Whiskyrebeet Speyside un betütt dat Water för de Produkschoon ut den Stroom Lossie. Dat Molt warrt vun Frömdmoltereen inköfft (Pauls un Simpon’s). In de Brenneree gift dat na den Utbo in 2013/2014 een Meeschfatt (mash tun) ut Eddelstahl vun 7,5 t un teihn Gäärfatten (wash backs) to 39.600 l. Brennt warrt in dree wash stills to 9.900 l un dree spirit stills to 5.800 l, de mit Damp hitt makkt warrt. Vun 2015 an schall de Produkschoon mit acht wash stills un acht spirit stills lopen.

Kiek ok[ännern | Bornkood ännern]

Literatur[ännern | Bornkood ännern]

  • Ralf Bernhardt, Hans Georg Würsching: The Glen Moray Single Malt Whisky Collector's Guide. Cluaran Verlag, Einhausen 2006, ISBN 3-9809344-7-0.
  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Borns[ännern | Bornkood ännern]


Weblenken[ännern | Bornkood ännern]

Glen Moray. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:57° 39′ N, 3° 20′ W