Glenburgie
| Glenburgie | |
|---|---|
 De Brenneree Glenburgie | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Allied Lyons |
| Grünnt | 1810 |
| Grünner | Willam Paul |
| Waterborn | öörtliche Borns |
| Washstill(s) | 2 × 11.750 l |
| Spiritstill(s) | 2 × 15.000 l |
| Produkschoonsvolumen | 2.800.000 l |
| Websteed | www.glenburgie.com |
Glenburgie is en Whiskybrenneree in de Neeg vun Forres, Morayshire, Schottland.
Historie[ännern | Bornkood ännern]
De Destille Glenburgie is 1810 vun William Paul ünner den Naam Kinflat Distillery grünnt worrn. De Produkschoon güng aver offiziell eerst 1829 los. In’t Johr 1870 is Kinflat dicht maakt worrn un acht Johren later ünner den Naam Glenburgie-Glenlivet nee apen maakt. 1884 weer de Brenneree an Alexander Fraser & Co. verköfft, de 1925 bankrott gahn sünd. Dorna hett Donald Mustad dat Regeer bi Glenburgie övernahmen. 1927 weer de Destille vun James & George Stodart Ltd. övernahmen, as de Produkschoon nich lopen de. 1930 hett Hiram Walker sösstig Prozent vun de Andeelen köfft, den Rest den 1936.
Glenburgie is 1958 renoveert worrn. Twee Brennblasen (vun’n Tyyp Lomond Still), de vörher bi Inverleven insett weern, sünd nee inboet worrn, und de Single-Malt-Whisky, de dormit brennt worrn is, keem ünner den Naam Glencraig in’n Hannel. De Molteree is dicht maakt worrn. De Lomond stills sind 1981 gegen traditschonelle pot stills uttuuscht worrn. In’t Johr 1987 is Hiram Walker denn vun Allied Lyons övernahmen worrn. In de Johren 2004/2005 is de Destille för ruchweg 4,3 Millionen £ nochmol vullstännig renoveert worrn. Siet de Tiet is de Brenneree op’n aktuellen Stand vun de Technik, un de hele Brennafloop kann vun een Person dör Knööp Drücken kontrolleert warrn.
Produkschoon[ännern | Bornkood ännern]
De Destille Glenburgie höört to dat schottische Whiskyrebeet Speyside. Dat Water för de Produkschoon kummt ut öörtliche Borns, dat Molt warrt ut frömme Moltereen (Robert Kilgour in Kirkaldy) betogen. In de Brenneree gifft dat en Meeschfatt (mash tun) ut Eddelstahl vun 4,7 t un dörteihn Gäärfatten (wash backs) to 23.500 l. Brennt warrt hüüt in twee wash stills to 11.750 l un twee spirit stills to 15.000 l, de mit Damp hitt maakt warrt.
De Whisky ut de Brenneree warrt to’n gröttsten Deel för de bekannten Blends Ballantine’s un Teacher’s verbruukt. As Originalaffüllen is 2002 en 15-johrigen Single-Malt in de Special Distillery Bottlings Serie vun Allied rutkamen. Af un an sünd vun unafhangige Affüllers ok noch Glencraig Single-Malts to finnen, de bit 1981 produzeert weern. Man, de warrt inwtüschen teemlich roor.
Kiek ok[ännern | Bornkood ännern]
Literatur[ännern | Bornkood ännern]
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Koordinaten:57° 37′ N, 3° 31′ W