Aberlour (Brenneree)

Vun Wikipedia
Aberlour

Brenneree Aberlour

Land Schottland
Region Speyside
Tyyp Malt
Status aktiv
Besitter Pernod Ricard
Grünnt 1826 un 1879
Grünner James Gordon un Peter Weir // James Flemming
Waterborn Borns an’n Ben Rinnes
Washstill(s) 2 × 21.120 l
Spiritstill(s) 2
Produkschoonsvolumen 3.500.000 l
Websteed www.aberlour.com

Aberlour [Abəɹ'lur] is en Whisky-Brenneree in Charlestown of Aberlour, Schottland. Se höört to Tiet to Chivas Brothers Ltd. för den franzööschen Kunzern Pernod Ricard.

Historie[ännern | Bornkood ännern]

De Brenneree Aberlour hett en wesselrieke Historie achter sik. Grünnt weer se dat eerte mol in’t Johr 1826 vun James Gordon un Peter Weir. De Destille is aver afbrennt un weer in’t Johr 1879 vun James Flemming nee wedder opboet, ruchweg een Miel wiet weg vun de ollen Steed. 1892 is de Brenneree an R. Thorne & Sons verköfft worrn. 1898 geev dat noch mal en groot Füer, bi dat en groten Deel vun de Brennereeanlag un ok vun den lagerten Whisky tonichten keem. Utlööst weer de Brand dör en Explosion in de Möhl. Ünner dat Rageer vun den Architekt Charles Chree Doig is de Destille wedder opboet worrn. Twüschen 1917 un 1919 weer de Produkschoon instellt. Een Johr later is de Brenneree vun W.H. Holt & Sons övernahmen worrn, de ehr 1942 an James Donald Stewart verköfft hett. Produzeert weer to de Tiet nich. 1945 hett wedder de Besitter wesselt un de Anlaag güng an S. Campbell & Sons Ltd.. De egen Moltboddens sünd 1962 dicht maakt worrn, dorför sünd 1973 twee ne’e Brennblasen inboet worrn. 1974 is S. Campbell & Sons Ltd. vun Chivas Bros. Ltd. övernahmen worrn, de in’t Johr 2001 as Dochter in den franzööschen Kunzern Pernod Ricard opgahn is.

Produkschoon[ännern | Bornkood ännern]

De Brenneree Aberlour höört to dat schottische Whiskyrebeet Speyside. Dat Water för de Produkschoon warrt ut Borns an’n Ben Rinnes nahmen. In de Brenneree gifft dat twee Meeschfatten to 12 t un söss Gäärfatten ut Eddelstahl to 70.000 l. Brennt warrt in twee wash stills to 21.120 l un twee spirit stills vun tosamen 35.456 l, de dör Damp hitt makkt warrt. De Whisky warrt in Sherry- un Bourbonfatten lagert. In’n Rhamen vun sien Whiskyreis hett Alfred Barnard de dormols noch junge Brenneree in’t Johr 1886 besöcht un naue Opteken över de Inrichten maakt. To de Tiet weern een wash still un een spirit still in Bedrief, de 7.300 un 5.550 l faten künnen.

Twee Brennblasen vun Aberlour

Kiek ok[ännern | Bornkood ännern]

Literatur[ännern | Bornkood ännern]

  • Ralf Bernhardt, Hans Georg Würsching: The Aberlour Single Malt Whisky Collector's Guide. Cluaran Verlag, Einhausen 2003, ISBN 3-9809344-0-3.
  • Alfred Barnard: Die Whiskybrennereien des Vereinigten Königreichs, Monsenstein und Vannerdat, Mönster, 2012. ISBN 978-3-86991-497-8. Originalutgaav: A. Barnard: The Whisky Distilleries of the United Kingdom, Harper’s Weekly Gazette, London, 1887.

Weblenken[ännern | Bornkood ännern]

Aberlour. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 28′ N, 3° 14′ W