Balmenach

Vun Wikipedia
Balmenach

Balmenach-Brenneree (Foto: Iain Macaulay)

Land Schottland
Region Speyside
Tyyp Malt
Status aktiv
Besitter Inver House Distillers Ltd.
Grünnt 1824
Grünner James McGregor
Waterborn Cromdale Burn
Washstill(s) 3 × 16.000 l
Spiritstill(s) 3 × 10.500 l
Produkschoonsvolumen 2.000.000 l
Websteed www.inverhouse.com

Balmenach is en Whisky-Brenneree in de Neeg vun Cromdale, Morayshire, Schottland.

Historie[ännern | Bornkood ännern]

De Brenneree is in’t Johr 1824 vun James McGregor grünnt worrn. 1897 is dorut de Balmenach Glenlivet Distillery Company maakt worrn. 1930 weer de Destille an de Scottish Malt Distillers (SMD) verköfft, de ehr twüschen 1941 un 1947 dicht maakt hebbt. 1962 geev dat en Utbo vun de Brenneree, bi den de Tall vun de Brennblasen op söss vergröttert weer. De egenen Malting floors sünd twee Johren later dicht maakt worrn. An jemehr Steed keem en Saladin Box to’n Insatz, de bit in de 1980er Johren bedreven worrn is. 1987 is de Brenneree-Anlaag vun de United Distillers (UD) opköfft worrn. In’n Mai 1993 is de Brenneree eerstmol stillleggt worrn. In’n Dezember 1997 is se vun de Inver House Distillers övernahmen worrn, de ehr in’n März 1998 wedder in Bedrief nahmen hebbt.

Produkschoon[ännern | Bornkood ännern]

De Brenneree Balmenach höört to dat schottische Whiskyrebeet Speyside. Se nimmt ehr Water för de produkschoon ut den Cromdale Burn. Dat Molt warrt vun de United-Distillers-Maltings köfft. In de Brennreee gifft dat een Meeschfatt (mash tun) vun 7,6 t ut Eddelstahl un söss Gäärfatten (wash backs) to 40.000 l ut Douglasienholt. Brennt warrt in söss Brennblasen. Dree dorvun sünd wash stills to 16.000 l, de annern dree sünd spirit stills to 10.500 l, de all dör Damp hittmaakt warrt.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3

Weblenken[ännern | Bornkood ännern]

Balmenach. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 20′ N, 3° 32′ W