Arran (Brenneree)

Arran
Brenneree Arran (Bild: Paul Birrel)
Land	Schottland
Region	Eilannen
Tyyp	Malt
Status	aktiv
Besitter	Harold J. Currie
Grünnt	1995
Grünner	Harold J. Currie
Waterborn	Loch na Davie
Washstill(s)	1 × 7.100 l
Spiritstill(s)	1 × 4.300 l
Produkschoonsvolumen	750.000 l
Websteed	www.arranwhisky.com

Arran is en Whisky–Brenneree bi Lochranza op de Isle of Arran in Schottland.

Historie

Harold J. Currie, de fröhere Gewarfsföhrer vun Seagram, füng 1991 an, en Brenneree to boen. De eerste Whisky weer an’n 29. Juni 1995 produzeert. Offiziell is de Brenneree 1997 dör de Queen inweiht worrn. De Whisky is siet 2001 regulär in’n Hannel to kriegen. De Brenneree hett en Besökerzentrum un kann besichtigt warrn.

Dormit gifft dat op dat Eiland Arran na mehr as 150 Johren wedder en Whiskybrenneree. Vun 1825 bit 1837 geev dat op dat Eiland al mol en Brenneree mit den Naam Lagg Distillery, de vun Matthew Speirs.

Produkschoon

De Destille höört to dat schottische Whiskyrebeet Eilannen. Ehr Water för de Produkschoon kummt ut den Loch na Davie. Dat Molt warrt vun de Bairds Malt Ltd. betogen, de jemehr Molteree in Pencaitland hebbt. De Destille hett en Meeschfatt (mash tun) ut Eddelstahl, veer Gäärfatten (wash backs) to 15.000 l, vun de dree ut Douglasienholt sünd un een ut Föhrenholt. Brennt warrt mit een wash still vun 7.100 l un een spirit still vun 4.300 l, de mit Damp hitt maakt warrt.

Kiek ok

De Fienbrennblaas vun de Arran-Destille

• List vun de schottischen Brennereen

Literatur

• Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
• Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken

Arran. Mehr Biller, Videos oder Audiodateien to’t Thema gifft dat bi Wikimedia Commons.