Glenugie

Glenugie
Land	Schottland
Region	Highlands
Tyyp	Malt
Status	stillleggt un afreten (1983)
Besitter
Grünnt	1831
Waterborn	Wellington Spring
Washstill(s)	2
Spiritstill(s)	2

Glenugie weer en Whisky-Brenneree in Peterhead, Aberdeenshire, Schottland. De Brennereehüüs, de noch staht, sünd deelwies in de schottischen Denkmollisten in de Katergorie B inordent.

Historie

De Destille is 1831 in Invernettie grünnt worrn, wat dormols noch buten vun Peterhead leeg. Söss Johren na’t Grünnen is ut de Brenneree en Broeree maakt worrn. De Produkschoon weer aver na ruchweg 25 Johren wedder op Whisky torüch stellt. 1925 weer de Bedrief en Tiet lang instellt. 1937 hett Seager Evans de Destille köfft un wedder anfungen Whisky to produzeren. In’n Verloop vun de Tiet güng de Bedrief in den Besitt vun Schenley, Long John un opletzt Whitbread & Co. över, de 1983 mit de Produkschoon ophöört hebbt. Dat Land un de Anlaag weern noch dat glieke Johr an en Öölfirma verköfft, de en Deel vun de Bowarken afrieten oder in Bürohüüs ümwanneln laten hett. Glenugie weer en Tiet lang de ööstlichste vun de schottischen Brennereen.

Produkschoon

Glenugie tell to dat schottische Whiskyrebeet Highlands. Se kreeg ehr Water för de Produkschoon ut den Wellington-Born. To’n Brennen harr de Destille twee wash stills un twee spirit stills. De Whisky is för de Produkschoon vun Blend-Whiskys herstellt worrn, egene Single-Malt-Affüllen hett dat vun de Brenneree nie geven, man dat gifft dorvun en poor vun unafhangige Affüllers.

Kiek ok

• List vun de schottischen Brennereen

Weblenken

Glenugie. Mehr Biller, Videos oder Audiodateien to’t Thema gifft dat bi Wikimedia Commons.