Convalmore
| Convalmore | |
|---|---|
 De ehmolige Convalmore-Brenneree (Bild: Christopher Gillan) | |
| Land | Schottland |
| Region | Speyside |
| Tyyp | Malt |
| Status | stillleggt (1985) |
| Besitter | William Grant & Sons |
| Grünnt | 2. Juni 1893 |
| Grünner | Convalmore-Glenlivet Distillery Co. Ltd. |
| Architekt | Donald Mackay |
| Waterborn | Borns in de Conval Hills |
| Washstill(s) | 2 |
| Spiritstill(s) | 2 |
Convalmore weer en Whisky-Brenneree in Dufftown, Banffshire, Schottland.
Historie[ännern | Bornkood ännern]
De Destille Convalmore is an’n 2. Juni 1893 vun en Koppel vun Gewarfslüüd ut Glasgow grünnt worrn. 1904 is de Brenneree an W. P. Lowrie & Co Ltd. verköfft worrn, de ehr al 1906 an James Buchanan & Co Ltd. wieterverköfft hebbt. Grote Deelen vun de Brenneree sünd an’n 29. Oktober 1909 bi en Füür tonichten kamen. 1910 is na den Wedderopbo en Coffey still mir en Produkschoonsvolumen vun bit to 2.273 l inboet worrn, de aver 1915 al wedder afboet weer. Teihn Johren dorna is de Destille vun de Distillers Company Ltd. (DCL) övernahmen un 1930 denn an jemehr Dochtersellschop Scottish Malt Distillers (SMD) övergeven worrn. 1964 weer de Tall vun de Brennblasen op veer verdubbelt. Siet 1985 is de Anlaag nu al stillleggt. De Nafolger vun de DCL, United Destillers (UD), hett de intwüschen leddige Anlaag 1990 an William Grant & Sons verköfft, de dor nu jemehrn Glenfiddich lagern doot.
Produkschoon[ännern | Bornkood ännern]
Convalmore höör to dat schottische Whiskyrebeet Speyside un hett för de Produkschoon Water ut Borns in de Conval Hills bruukt. To’n Brennen geev dat twee wash stills un twee spirit stills. Affüllen vun dissen Whisky gifft dat af un to noch, sünd aver bannig roor worrn.
Kiek ok[ännern | Bornkood ännern]
Weblenken[ännern | Bornkood ännern]
Koordinaten:57° 28′ N, 3° 8′ W