Dalmore
| Dalmore | |
|---|---|
 De Brenneree Dalmore (Foto: Chris Allen) | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | Emperador Inc. |
| Grünnt | 1839 |
| Grünner | Alexander Matheson |
| Waterborn | River Alness |
| Washstill(s) | 2 x 16.500 l; 2 x 8.250 l |
| Spiritstill(s) | 2 x 11.364 l; 2 x 7.340 l |
| Produkschoonsvolumen | 4.200.000 l |
| Websteed | www.thedalmore.com |
Dalmore is en Whisky-Brenneree bi Alness, Highland, Schottland.
Historie[ännern | Bornkood ännern]
De Destille Dalmore weer 1839 vun Alexander Matheson grünnt, de ehr an de Sunderland-Familie verpacht harr. Dat Regeer vun de Brenneree güng 1850 an Margret Sunderland. Vun 1867 an hebbt de Bröder Charles, Andrew un Alexander Mackenzie de Brenneree leidt. De Tall vun de Brennblasen is 1874 vun twee op veer vergröttert worrn. As 1886 Alexander Matheson doodbleven weer, is de Destille 1891 vun Sir Kenneth Matheson för 14.500 £ an de Mackenzie-Bröder verköfft worrn. 1917 is de Royal Navy bi Dalmore intogen, üm dor Minen hertostellen. As de Navy aftogen is, is en Deel vun de Brenneree dör en Explosion to Schaden kamen.
1922 is bi Dalmore denn wedder Whisky produzeert worrn. De Molteree is 1956 dör en Saladin Box uttuuscht worrn. 1960 weer de Dalmore-Whyte & Mackay Ltd. ut den Tosamensluss vun de Mackenzie Brothers (Dalmore) Ltd. un de Whyte & Mackay Ltd. grünnt. De Tall vun de Brennblasen weer 1966 noch mol vergröttert op nu acht Stück. 1982 is de Saladin Box dicht maakt worrn. Siet de Tiet warrt dat Molt nu vun frömme Moltereen anköfft. 1990 is Whyte & Mackay dör de American Brands opköfft worrn un hett 1966 sien Naam in JBB (Greater Europe) ännert. De Firma is 2001 vun Fortune Brands övernahmen worrn un hett nu Kyndal Spirits heten. 2002 is de Naam wedder in Whyte & Mackay ännert worrn. Dat Ünnernehmen is 2007 denn mit de Destillen Dalmore, Isle of Jura, Fettercairn un Tamnavulin för 595 Millionen Pund vun United Spirits Limited övernahmen worrn, en Dochter vun de indischen UB Group. An’n 31. Oktober 29014 weer de Firma ut kratellrechtliche Grünnen an de philippinsche Emperador Inc. köfft[1].
Produkschoon[ännern | Bornkood ännern]
Dalmore höört to dat schottische Whiskyrebeet Highlands/Northern Highlands un betütt sien Water för de Produkschoon ut den Stroom Alness. Dat Molt stammt vun de Molteree Bairds Malt, Inverness. In de Destille gifft dat en Meeschfatt (mash tun) vun 9,2 t ut Eddelstahl un acht Gäärfatten (wash backs) ut Douglasienholt to 49.500 l. Brennt warrt de Whisky in veer wash stills to 16.500 l un 8.250 l un veer spirit stills to 11.364 l un 7.340 , de mit Damp hitt maakt warrt.
2002 is ein 62-johrigen Dalmore in en Aukschoon bi McTear’s för 25.877 £ verköfft worrn. Dat weer dormols de düürste Buddel Whisky op de Welt.
Kiek ok[ännern | Bornkood ännern]
Literatur[ännern | Bornkood ännern]
- Michael Jackson: Whisky - Die Marken und Destillerien der Welt. Dorling-Kindersley, München 2005, ISBN 978-3-8310-0764-6.
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.
Borns[ännern | Bornkood ännern]
Weblenken[ännern | Bornkood ännern]
Koordinaten:57° 41′ N, 4° 14′ W