Glen Spey

Vun Wikipedia
Zur Navigation springen Zur Suche springen
Glen Spey
Glen Spey Distillery - geograph.org.uk - 1134326.jpg

Brenneree Glen Spey (Foto: Andrew Wood)

Land Schottland
Region Speyside
Tyyp Malt
Status aktiv
Besitter Diageo
Grünnt 1878
Grünner James Stuart & Co.
Waterborn Doonie’s Spring
Washstill(s) 2 × 12.000 l
Spiritstill(s) 2 × 7.500 l
Produkschoonsvolumen 1.400.000 l

Glen Spey is en Whisky-Brenneree bi Rothes, Morayshire, Schottland.

Historie[ännern | Bornkood ännern]

De Brenneree Glen Spey is 1878 vun James Stuart & Co. ünner den Naam Mill of Rothes grünnt worrn. Stuart köff 1886 de Destille Macallan, Glen Spey güng dorgegen een Johr later för 11.000 £ an W. & A. Gilbert. Dat weer dormit dat eerste engelsche Ünnernehmen, dat en schottische Destille besitten de. En groot Füer hett 1920 gröttere Deelen vun de Brenneree bedrapen. In’t Johr 1962 hett sik W. & A. Gilbert mit United Wine Traders tohopendoon, wobi de International Distillers & Vitners (IDV) entstahn is. 1970 is de Destille renoveert worrn, wobi de Tall vun de Brennblasen vun twee op veer verdubbelt weer. 1972 is de IDV vun Watney Mann övernahmen worrn, de sülvst vun Grand Metropolitan sluckt weern. 1997 geev dat en Elefanten-Hochtiet twüschen Guinness un Grand Metropolitan, worut de Kunzern Diageo tostannen kamen is.

Produkschoon[ännern | Bornkood ännern]

De Destille Glen Spey höört to dat schottische Whiskyrebeet Speyside un betütt ehr Water ut den Doonie’s Spring. Dat Molt warrt vun frömme Moltereen an’n Moray Firth köfft. In de Destille gifft dat en Meeschfatt (mash tun) ut Eddelstahl vun twee Tunnen un acht Gäärfatten (wash backs) to 25.000 l. Brennt warrt in twee wash stills to 12.000 l un twee spirit stills to 7.500 l, de mit Damp hitt maakt warrt.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Weblenken[ännern | Bornkood ännern]

Commons-logo.svg Glen Spey. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 0′ N, 3° 0′ W