Glen Keith

Vun Wikipedia
Glen Keith

De Brenneree Glen Keith (Westsiet)

Land Schottland
Region Speyside
Tyyp Malt
Status aktiv
Besitter Pernod Ricard
Grünnt 1957
Grünner Chivas Brothers
Waterborn Balloch Hill
Washstill(s) 3
Spiritstill(s) 3
Produkschoonsvolumen 6.000.000 l

Glen Keith is en Whisky-Brenneree in Keith, Moray, Schottland.

Historie[ännern | Bornkood ännern]

Dat Ünnernehmen Chivas Brothers, de ok al de Destille Strathisla gegenöver bedreven harrn, hebbt 1957 anfungen, en ne’e Brenneree in Keith to boen. Se weer de eerste Neegrünnen vun en Brenneree in Schottland siet den Boom in’t Viktoriaansche Tietöller. 1960 weer de ne’e Bedrief fardig stellt. Blangen de kommerzielle Produkschoon vun Whisky deen de Destille ok as Versööksanlaag to’n Utfinnen un Entwickeln vun ne’e Techniken. Toeerst weern dree Brennblasen insett – en wash still un twee spirit stills, mit de en dreefack destillerten Whisky produzeert weer. Dat weer aver ok licht mööglich, op tweefacke Destillatschoon ümtostellen. De dreefacke Destillatschoon weer in dat Rebeet üm Glen Keith nich begäng, man is eher tyypsch för in Irland oder de schottischen Lowlands. Ok doran is de experimentelle Charakter vun de Destille to sehn. De Tall vun de Brennblasen is later op söss vergröttert worrn. Mitt vun de 1970er Johren weern hier de eersten Pot Stills överhaupt insett, de mit Gas hitt makt weern[1].

In de Brenneree Glen Keith weer ok egen Molt för de Produkschoon maakt, jüst so as egene Gest. Över en Druckleitung is de Strathisla-Brenneree mit Molt versorgt worrn. En Tiet lang is in de Destille ok törfigen Whisky herstellt worrn, de vun den unafhangigen Affüller Gordon & MacPhail ünner den Naam Glenisla hannelt weer. Dat Törfaroma is dorbi aver nich vun’t törfte Molt kamen, man dör Water, dat mit Törfrook behannelt worrn is[1].

Glen Keith is 1999 stillleggt worrn un keem 2001 in den Besitt vun Pernod Ricard. In’n Juni 2013 is de Brenneree denn wedder in Bedrief nahmen worrn[2].

Kiek ok[ännern | Bornkood ännern]

Borns[ännern | Bornkood ännern]

  1. a b Eintrag auf maltmadness.com
  2. It’s whisky galore again on Speyside as distillery reopens after 15 years, The Guardian vun’n 14. Juni 2013; afropen an’n 16. Juni 2013

Weblenken[ännern | Bornkood ännern]

Glen Keith. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:57° 33′ N, 2° 57′ W