Deanston (Brenneree)
| Deanston | |
|---|---|
 Brenneree Deanston | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | Distell Group Ltd. |
| Grünnt | 1965 |
| Grünner | Deanston Distillery Co. Ltd. |
| Waterborn | Teith |
| Washstill(s) | 2 × 10.000 l |
| Spiritstill(s) | 2 × 8.500 l |
| Produkschoonsvolumen | 3.000.000 l |
| Websteed | www.burnstewartdistillers.com |
Deanston is en Whiskybrenneree in Deanston, Stirling, Schottland.
Historie[ännern | Bornkood ännern]
De Brenneree Deanston is 1965 vun de Deanston Distillery Co. Ltd. grünnt worrn. Dorför weer en Boomwull-Möhl ümwannelt, de 1785 vun den Architekt Richard Arkwright boet worrn is. De Produkschoon vun Whisky güng 1966 los un 1971 geev dat den eersten Single-Malt-Whisky ut de Brenneree ünner den Naam Old Bannockburn op’n Markt to köpen. In dat Johr 1972 weer de Destille vun Invergordon Distillers övernahmen, de 1974 den eersten Single-Malt ünner den hüütigen Naam Deanston affült hett. Teihn Johren later is de Brenneree dicht maakt worrn. Burn Stewart Distillers ut Glasgow hebbt 1990 de Destille för ruchwech 2,1 Millionen Pund opköfft un füngen dat Johr dorop wedder mit de Produkschoon an. 1999 hett C. L. Financial toeerst 18 % vun de Andeelen köfft, 2002 denn den Rest dorvun. Intwüschen höört Burn Stewart to de süüdafrikaansche Distell Group Ltd.
Deanston statu dat Water vun den River Teith, en poor Meilen weg vun de Brenneree. De Damm un en Turbien sorgt dorför, dat Deanston sien egen Stroom maken deit.
Produkschoon[ännern | Bornkood ännern]
Dat Water för de Produkschoon kummt ut den Stroom Teith. Vun de Region her tellt Deanston to de süüdlichen Highlands. De Brenneree hett keen egen Molt, vun dorher warrt dat vun frömme Moltereen anköfft. In de Destille gifft dat en Meeschtunn (mash tun) för 10,5 Tunnen ut Eddelstahl un acht Gäärfatten (wash backs) mit jeedeen 60.000 l. Destilleert warrt in twee wash stills vun 10.000 l un twee spirit stills mit 8.500 l, de dör Dampspiralen hitt maakt warrt.
Ruchweg 15 % vun den produzeerten Whisky warrt as Single Malt opn Markt bröcht. Afnehmers sünd vör allen de USA, Grootbritannien, Frankriek, de Nedderlannen un Japan. De Rest vun de Produkschoon warrt för Blends un Malt Liquer bruukt (Wallach Single Malt Liqueur un Drumray Highland Cream Liqueur). .
Kiek ok[ännern | Bornkood ännern]
Literatur[ännern | Bornkood ännern]
- Michael Jackson: Malt Whisky Companion. Dorling Kindersley, London et al. 2004, ISBN 1-4053-0234-8.
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Weblenken[ännern | Bornkood ännern]
Koordinaten:56° 11′ N, 4° 4′ W