Ardbeg (Brenneree)

Vun Wikipedia
Zur Navigation springen Zur Suche springen
Ardbeg
The approach road to Ardbeg distillery - geograph.org.uk - 567382.jpg

Brenneree Ardbeg (Foto: Nick Smith)

Land Schottland
Region Islay
Tyyp Malt
Status aktiv
Besitter Moët Hennessy Louis Vuitton
Grünnt 1815
Grünner John McDougall
Waterborn Loch Arinambeast,
Loch Uigeadail
Washstill(s) 1 x 18.279 l
Spiritstill(s) 1 x 16.957 l
Produkschoonsvolumen 1.000.000 l
Websteed www.ardbeg.com

Ardbeg is en Whisky-Brenneree an’t Süüdöver vun’t Eiland Islay (Schottland) in de Neeg vun Port Ellen. Se is to Tiet in Besitt vun Moët Hennessy Louis Vuitton.

Historie[ännern | Bornkood ännern]

De Wörteln vun de Destille Ardbeg gaht torüch bit in’t Johr 1794, as an den Oort vun de Brenneree Swartbrenners un Smugglers Whisky brennt hebbt. Na en Razzia dör den Toll müssen de jemehr Produkschoon aver opgeven. 1815 is denn de gesettliche Brenneree ünner den Naam Ardbeg (vun’t Schottsch-Gäälsche ard bheag – „lütte Anhööchd“) wohrschienlich vun John McDougall grünnt worrn. Dokumenteert is de Bedrief siet 1817. Se bleev bit 1959 in Besitt vun de Familie.

In’t Johr 1977 is de Firma vullstännig vun Hiram Walker (Allied Lyons) övernahmen worrn un weer vun Allied Distillers bedreven. Af März 1981 weer Ardbeg stillleggt, bit se in’n November 1989 wedder apenmaakt worrn is – man ahn de egen Molteree. In’n Juli 1996 is se noch mol wedder dicht maakt worrn. In’n Februar 1997 is se an McDonald & Muir gahn, de ok Glenmorangie un Glen Moray bedreven hebbt. In Sommer dat glieke Johr is de produkschoon wedder opnahmen worrn. Dat Ünnernehmen un dormit ok de Brenneree Ardbeg is denn in’n Oktober 2004 vun Moët Hennessy Louis Vuitton (LVMH) köfft worrn.

Produkschoon[ännern | Bornkood ännern]

De beiden Brennblasen vun Ardbeg
De teihnjohrige Whisky vun Ardbeg

Ardbeg höört to dat schottischen Whiskyrebeet Islay. De Destille betütt ehr Water för de Produkschoon ut den Loch Arinambeast un den Loch Uigeadail. Dat Molt för den Whisky warrt över de Molteree vun de Whisky-Brenneree Port Ellen betogen un hett en Phenolandeel vun 56,2 ppm. Dat maakt den Whisky törfig-rookig in Röök un Smack. En licht medizinischen Inslag is tyypsch för de Whiskys vun Ardbeg, wegen den hogen Phenolandeel.

De Breneree hett en Meeschfatt (mash tun) vun 4,5 t ut Eddelstahl un söss Gäärfatten (wash backs) to 23.500 l. Dree dorvun sünd ut Lärkenholt, de annern dree ut Douglasienholt. Brennt warrt mit Binnenpannen, de mit Damp hitt maakt warrt, toeerst in den wash still, de bit to 18.279 l faten kann, dorna in den spirit still, de en Volumen vun 16.957 l hett.

Kiek ok[ännern | Bornkood ännern]

Literatur[ännern | Bornkood ännern]

  • Gavin D. Smith, Graeme Wallace: Ardbeg. A Peaty Provenance. GW Publishing, Thatcham 2008, ISBN 978-0-9554145-6-5.
  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3

Weblenken[ännern | Bornkood ännern]

Commons-logo.svg Ardbeg. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:55° 39′ N, 6° 7′ W