Highland Park (Brenneree)

Vun Wikipedia
Zur Navigation springen Zur Suche springen
Highland Park
Highland Park Distillery.jpg

Ingang to de Brenneree

Land Schottland
Region Islands
Tyyp Malt
Status aktiv
Besitter The Edrington Group
Grünnt 1798
Grünner Magnus Eunson
Waterborn Cattie Maggie Borns
Washstill(s) 2 × 14.600 l
Spiritstill(s) 2 × 8.500 l
Produkschoonsvolumen 2.500.000 l
Websteed www.highlandpark.co.uk

Highland Park is en Whisky-Brenneree in Kirkwall op dat Orkney-Eiland Mainland, Schottland. Se is de nöördlichste Whisky-Brenneree vun Schottland. De Hüüs vun de Destille sünd in de schottischen Denkmollisten in de Kategorie B inordent[1].

Historie[ännern | Bornkood ännern]

De Historie vun de Brenneree geiht torüch bit in’t Johr 1798, as Magnus Eunson op dat Rebeet vun de hüütigen Destille anfüng swart to brennen. De Bowarken, de vundaag de Brenneree billt, sünd 1825 vun Robert Borwick boet worrn. 1826 kregg de Destille ehr Lizenz. De Brenneree bleev bit 1869 in’n Besitt vun de Borwicks, dorna is se en poor mol wieter verköfft worrn. In’t Johr 1890 güng se an James Grant, de ehr 1898 vun twee op veer Brennblasen vergröttern laten hett. In de Tiet vun 1918 bit 1937 weer de Anlaag stillleggt, dorna is se vun de Highland Distillers Group övernahmen worrn. Vun 1997 bit 2005 hebbt de Mitarbeiters vun de Brenneree bito ok de Scapa-Brenneree bedreven. As Gegenleistung dröffen se de Lagerhüüs dor mit bruken.

Vundaag höört de Brenneree to de Öörd op de Orkneys, de vun Touristen an’n fakensten besöcht warrt. De Brenneree kann dat hele Johr över besöcht warrn. För jemehrn go’en Service un de touristische Infrastruktur is de Destille 2009 vun den Scottish Tourist Board uttekent worrn.

Produkschoon[ännern | Bornkood ännern]

Moltbodden vun de Brenneree Highland Park
Single Malt

De Brenneree tellt to dat Whiskyrebeet Highlands/Islands. Se betüüt ehr Water ut den Cattie Maggie’s Quarry, en ollen Steenbrook, de vun en ünnerirdischen Born spiest warrt. Highland Park is een vun de wenigen Brenneren, de ok vundaag noch sülvst in en egene Tennmolteree dat Molt för de Produkschoon herstellt. Darrt warrt dat Molt in de egenen Kilns. Dorto warrt Törf ut dat Hobbister Moor in de Neeg bruukt. Dat Molt hett ruchweg 20 ppm Phenol un warrt mit Molt vun’t Fastland mischt, dat ahn Törf darrt is.

In de Brenneree gifft dat en Meeschfatt (mash tun) vun 11,4 t ut Eddelstahl. Dorto kamt twölf Gäärfatten (wash backs) to 29.200 l ut Holt. Brennt warrt in twee spirit stills to 14.600 l un twee spirit stills to 8.500 l, de mit Damp hitt maakt warrt. 2010 hebbt op dat Rebeet vun de Brenneree an’n Stadtrand vun Kirkwall ruchweg 8.000.000 l Whisky lagert.

Kiek ok[ännern | Bornkood ännern]

Borns[ännern | Bornkood ännern]

  1. Indrag in de schottischen Denkmollisten

Weblenken[ännern | Bornkood ännern]

Commons-logo.svg Highland Park. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:58° 58′ N, 2° 57′ W