Macduff (Brenneree)

Vun Wikipedia
Zur Navigation springen Zur Suche springen
Macduff
Macduff Distillery - geograph.org.uk - 1762731.jpg

Brenneree Macduff (Foto: Anne Burgess)

Land Schottland
Region Highlands
Tyyp Malt
Status aktiv
Besitter Bacardi
Grünnt 1962
Grünner Brodie Hepburn, Marty Dykes, George Crawford
Waterborn Gelly Burn
Washstill(s) 2
Spiritstill(s) 3
Produkschoonsvolumen 2.800.000 l

Macduff is een Whisky-Brenneree in Banff, Banffshire, Schottland. Se liggt an’t gegenöver vun de Stadt an’t Över vun’n Deveron. De Destille höört an sik to dat Whiskyrebeet Speyside, warrt aver faken ok to dat Rebeet Highlands tellt.

Historie[ännern | Bornkood ännern]

De Brenneree Macduff is 1962 vun de Gewarfslüüd Brodie Hepburn, Marty Dykes un George Crawford grünnt worrn. 1972 is se vun William Lawson övernahmen worrn, acht Johren later weer se in den Kunzern Martini & Rossi inföögt. De höört siet 1993 to Bacardi[1][2].

Produkschoon[ännern | Bornkood ännern]

Dat Water för de Produkschoon betütt de Destille ut den Gelly-Born. Anfungen hett de Brenneree mit twee Brennblasen, man de Tall weer mit de Tiet jümmer grötter, so dat vundaag mit twee wash stills un dree spirit stills brennt warrt. Macduff weer de eerste schottische Brenneree, de Meeschfatten ut Metall insett hett. Ok weern se de eersten, de jemehr Brennblasen mit Damp hitt maken deen[3].

De Whisky ut de Brenneree warrt to’n gröttsten Deel för de Produkschooon vun Blends verbruukt, sünners för den William Lawson-Blend. Single-Malt-Whiskys ünner den Naam Macduff gifft dat blots vun unafhangige Affüllers. De Originalaffüllen vun de Destille, warrt ünner den Naam Glen Deveron in den Hanneln bröcht[1][2][3].

Kiek ok[ännern | Bornkood ännern]

Literatur[ännern | Bornkood ännern]

Borns[ännern | Bornkood ännern]

  1. a b Vorstellung auf Whiskiesofscotland.com
  2. a b Beschrieven op Scotchwhisky.net
  3. a b Beschrieven op Whiky-distilleries.info

Weblenken[ännern | Bornkood ännern]

Commons-logo.svg Macduff. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 39′ N, 2° 31′ W