Pittyvaich

Pittyvaich
Land	Schottland
Region	Speyside
Tyyp	Malt
Status	afreten (2002; stillleggt 1993)
Besitter	–
Grünnt	1974
Grünner	Arthur Bell & Sons
Waterborn	Bailliemore Springs
Washstill(s)	2
Spiritstill(s)	2

Pittyvaich weer en Whisky-Brenneree in Dufftown, Banffshire, Moray, Schottland.

Historie[ännern | Bornkood ännern]

De Brenneree is 1974 vun Arthur Bell & Sons grünnt worrn un hett 1975 ehr Produkschoon opnahmen. Se weer to de Tiet een vun de jüngsten Brennereen in Schottland un schüll as Süsterbedrief vun de Dufftown-Brenneree Malt Whisky produzeren to’n Herstellen vun Blend-Whiskys. Doröfr weern Pot stills bruukt. 1987 is de Brenneree vun de United Distillers (UD) köfft worrn, de den Bedrief 1993 instellt hebbt. In de Johren dorna geev dat noch Versöken to’n Herstellen vun Gordon’s Gin. 2002 is de hele Anlaag denn aver afreten worrn^[1]^[2].

Produkschoon[ännern | Bornkood ännern]

De Destille höör to dat schottische Whiskyrebeet Speyside. Se kreeg ehr Water för de Produkschoon ut de Bailliemore Springs^[2]. To’n Brennen geev dat dor twee wash stills un twee spirit stills. De eeste halfoffizielle Single-Malt-Affüllen vun en Pittyvaich-Whisky is 1991 rutbröcht worrn. Dorför sünd aver al vun unafhangige Affüllers as Signatory un Cadenhead’s welke op’n Markt bröcht worrn^[1].