Royal Brackla

Vun Wikipedia
Royal Brackla
Royal Brackla Distillery - geograph.org.uk - 1720026.jpg

Brenneree Royal Brackla (Foto: nairnbairn)

Land Schottland
Region Highlands
Tyyp Malt
Status aktiv
Besitter Barcardi
Grünnt 1812
Grünner William Fraser
Waterborn Cowdor Burn
Washstill(s) 2
Spiritstill(s) 2
Produkschoonsvolumen 2.500.000 l

Royal Brackla is en Whisky-Brenneree in Cawdor, Inverness-shire, Schottland.

Historie[ännern | Bornkood ännern]

De Destille Brackla is 1812 vun William Fraser grünnt worrn. Dör König William IV. is ehr 1835 de Naamtosatz Royal verleht worrn, wat anners blots noch de Brennereen Royal Lochnagar un Glenury hebbt. Brackla weer de eerste dorvun, de dat Royal in’n Naam föhren dröff. De Destille is 1852 vun Robert Fraser övernahmen worrn. 1860 sünd Andrew Usher & Co mit in dat Gewarf instegen. Vun jem warrt seggt, dat se dat Blennen vun Whisky utklamüstert hebben schüllt.

1898 is de Sellschop Brackla Distillery Co Ltd. grünnt worrn, de 1926 vun John Bisset & Co övernahmen weer. 1943 is de Firma, un dormit ok de Brenneree, vun de Distillers Company Limited (DCL), övernahmen worrn, de dat Seggen an de Dochter Scottish Malt Distillers (SMD) överdragen hett, as dat dor begäng weer. In de Tiet vunvn Tweeten Weltkrieg is de Destille as Stüttpunkt vun de Royal Air Force nütt worrn. Twüschen 1965 und 1966 weer de Brenneree renoveert. To de Tiet sünd ok de egenen Moltboddens stillleggt worrn. 1970 weer de Tall vun de Brennblasen op veer verdubbelt. Royal Brackla weer 1985 stillleggt, füng 1991 aver wedder mit de Produkschoon an. Se weer denn in’n Besitt vun United Distillers (UD) (vundaag Diageo), de ehr aver 1998 an Bacardi verköpen müssen, üm Oplagen vun’t Kartellamt intohollen.

Produkschoon[ännern | Bornkood ännern]

Rocal Brackla tellt to dat schottische Whiskyrebeet Highlands. Dat Water för de Produkschoon warrt ut den Cowdor Burn betogen. In de Destille gifft dat een Meeschfatt (mash tun) vun 11,5 t un söss Gäärfatten (wash backs) vun tohopen 360.000 l. Brennt warrt in twee wash stills vun tosamen 44.000 l un twee spirit stills vun tosamen 42.000 l. De Brennblasen warrt mit Damp hitt maakt.

Kiek ok[ännern | Bornkood ännern]

Weblenken[ännern | Bornkood ännern]

Commons-logo.svg Royal Brackla. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 32′ N, 3° 54′ W