Glentauchers

Vun Wikipedia
Zur Navigation springen Zur Suche springen
Glentauchers
Glentauchers Distillery - geograph.org.uk - 415343.jpg

Brenneree Glentauchers (2007)

Land Schottland
Region Speyside
Tyyp Malt
Status aktiv
Besitter Chivas Brothers
Grünnt 1897
Grünner James Buchanan, W. P. Lowrie
Architekt John Alcock
Waterborn Rosarie Burn
Washstill(s) 3
Spiritstill(s) 3
Produkschoonsvolumen 4.200.000 l[1]

Glentauchers is en Whisky-Brenneree bi Mulben, Banffshire in Schottland nich wiet weg vun de Auchroisk-Brenneree.

Historie[ännern | Bornkood ännern]

De Destille Glentauchers is 1897 vun James Buchanan un W. P. Lowrie in de Neeg vun den Taucherswoold in dat Whisky-Rebeet Speyside grünnt worrn. Se haar toeerst twee Brennblasen. 1903 weer se nee nöömt as Glentauchers-Glenlivet Distillery un 1906 vun Buchanan övernahmen. De hett vör allen mit Blends hannelt – so as Black & White – un so weern de Whiskys tomeist to’n Versnieden bruukt.

1925 weer de Brenneree Deel vun den DCL-Kunzern un 1930 denn vun Scottish Malt Distillers övernahmen. Mitt vun de 1960er Johren weer de Destille moderniseert. Dorbi is ok en nee Huus boet worrn, un dat geev nu veer tosätzliche Brennblasen. 1985 weer de Destille stillleggt un veer Johr later vun Allied Distillers wedder apen maakt. Dat Ünnernehmen güng denn an Chivas Brothers, de opletzt as Dochterünnernehmen in den Kunzern Pernod Ricard opgahn is[2][3][4].

Produkschoon[ännern | Bornkood ännern]

Dat Water för de Produkschoon kummt ut den Rosarie Burn, de later in den Spey münnt. De Destille hett en Meeschfatt (mash tun) vun 12 Tunnen un söss Gäärfatten (wash backs) vun tosamen 360.000 l. Brennt warrt bi Glentauchers in dree Wash stills vun tosamen 30.000 l un dree Spirit stills vun tosamen 31.500 l[4]. De produzeerte Whisky warrt ok hüüt noch to’n gröttsten Deel to’n Versnieden vun Blends bruukt[2]. De eerste offizielle Single Malt vun Glentauchers is in’t Johr 2000 op’n Markt kamen. Man dat gifft noch en Reeg vun Single Malts, de vun unafhangige Affüllers rutkamen sünd.

De Produkschoon vun Glentauchers kann nich besichtigt warrn[5].

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.

Borns[ännern | Bornkood ännern]

  1. Ingvar Ronde: Malt Whisky Yearbook 2013. Mag Dig Media, Shrewsbury 2012, ISBN 978-0-9552607-9-7, S. 152.
  2. a b Översicht op Scotchwhisky.net
  3. M. Jackson: Whisky. Dorlin Kindersley Verlag, München 2008, ISBN 978-3-831-00764-6, S. 151.
  4. a b Vörstellung op Distilleries.de
  5. Vörstellung op Scotshwisky.net

Weblenken[ännern | Bornkood ännern]

Commons-logo.svg Glentauchers. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 32′ N, 3° 3′ W