Wolfburn

Wolfburn
Land	Schottland
Region	Highlands
Tyyp	Malt
Status	aktiv
Besitter	Aurora Brewing Ltd.
Grünnt	2011
Waterborn	Wolf Burn
Washstill(s)	1 × 5.500 l
Spiritstill(s)	1 × 3.600 l
Produkschoonsvolumen	115.000 l
Websteed	www.wolfburn.com

Wolfburn is en Whisky-Brenneree in Thurso, Caithness, Schottland.

Historie

De oorsprüngliche Wolfburn-Destille is in’t Johr 1821 vun William Smith & Co. grünnt worrn un is jümmer in Besitt vun de Familie Smith bleven. De Produkschoon is in de 1850er Johren instellt worrn, man wanneer nipp un nau, is vundaag nich mehr kloor. 1872 weer de Brenneree blots noch as Ruin in Koorten vertekent. Wat de Grund weer, de Destille dicht to maken, is nich bekannt. In’t Johr 1826 schall Wolfburn 28.056 Gallonen ‚Total Gallons of Proof Spirit‘ herstellt hebben, womit se de gröttste Produkschoonssteed to de dormoligen Tiet weer.

De Plaan, in de Neeg vun de ollen Steed en ne’e Destille to boen, is 2011 tostannen kamen. De Destillatschoon is in’n Januar 2013 anlopen.

Produkschoon

De Wolfburn-Brenneree tellt to dat schottische Whiskyrebeet Highlands. Dat Water för de Produkschoon nimmt se ut’n Wolf Burn, wovun ok de Naam vun de Destille afleidt is. Eerstmol schall för de Produkschoon blots Molt ahn Törf bruukt warrn.

In de Brenneree gifft dat dree Gäärfatten (wash backs) ut Eddelstahl to 9.000 l, de fröher bi Caperdonich bedreven worrn sünd. Brennt warrt in en Groffbrennblaas (wash still) vun 5.550 l un en Fienbrennblaas (spirit still) vun 3.600 l.

Kiek ok

• List vun de schottischen Brennereen

Literatur

Ingvar Ronde: Malt Whisky Yearbook 2014. Mag Dig Media, Shrewsbury 2013, ISBN 978-0-9576553-0-0