Amt Leendaal

Vun Wikipedia
Zur Navigation springen Zur Suche springen

Dat Amt Leendaal weer en Verwaltungsrebeed in Bremen-Veern un in dat Königriek Hannover mit Seet in Leendaal binnen de Landdrostie Stood. Dor hett groff dat Rebeed von de hüdige Gemeen Leendaal tohöört.

Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.

Geografie[ännern | Bornkood ännern]

Dat Amt Leendaal hett an’n Süüdrand von dat Düvelsmoor an Wümm un Wörp legen.

In’n Süden hett dat Amt an de Stadt Bremen grenzt, in’n Noordwesten an dat Gericht Nedderenn-Sankt Jürgen, in’n Noorden an dat Amt Oosterholt un in’n Noordoosten an dat Amt Otterbarg.

Bet 1852[ännern | Bornkood ännern]

Dat Amt Leendaal is na’n Dörtigjohrigen Krieg un de Säkularisation ut’n Besitt von dat Klooster Leendaal billt worrn. Dat ole Arzstift Bremen is do an Sweden kamen un Königin Christina hett dat an’n 18. Dezember 1650 as Lehn an Jakob Kasimir De la Gardie vergeven. Dat hett aver blots bet to’n 17. Februar 1651 wohrt, denn is dat al an Friedrich von Hessen-Eschwege nee vergeven worrn. Friedrich is 1655 doodbleven un dat Amt is an siene Weetfro Eleonore Katharine gahn. Se is an’n 3. März 1692 doodbleven un dat Amt is an de sweedsche Kroon trügggahn.

Dat Amt keem denn an den hannöverschen Oberkämmerer Johann Erich Schilden. He un siene Arven hebbt dat Amt behollen, bet dat 1733 in en königlich Amt ümwannelt worrn is.

To’n 1. Juli 1847 hett dat Amt Otterbarg de Öörd Heidbarg un Seebargen mit dat Koornsaatmoor an dat Amt Leendaal afgeven.[1] To’n 1. September 1848 is dat Gericht Nedderenn St. Jürgen oplööst worrn un weer denn ok Deel von dat Amt Leendaal.[2]

1848 weer dat Amt so 66,16 km²[3] groot.

1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Leendaal weer in disse Tied de Seet von den Kanton Leendaal. 1813 müssen de Franzosen dat Amt denn opgeven un de ole Stand is wedderkamen.

Öörd Stand 1848[4][ännern | Bornkood ännern]

Vaagdie Truup
Oort Lüüd Hüüs Aard Status
1 Leendaal 600 73 Dörp Gemeen
Höög 12 2 Dörp
Amtsseet, Domään mit Möhl un Arventinshoff 31 5 keen Gemeen
2 Truup 215 31 Dörp Gemeen
3 Truperdiek 97 12 Dörp Gemeen
4 Feldhusen 38 8 Dörp Gemeen
5 Moorhusen 326 44 Dörp Gemeen
6 Falkenbarg 234 37 Dörp Gemeen
7 Trupermoor 179 26 Dörp Gemeen
8 Heidbarg 225 29 Dörp Gemeen
9 Kloostermoor 163 25 Dörp Gemeen
10 Schrötersdörp 98 12 Dörp Gemeen
11 Lüningsee 61 9 Dörp Gemeen
12 Worphusen 128 20 Dörp Gemeen
13 Moorenn 199 25 Dörp Gemeen
14 Butendiek 58 8 Dörp Gemeen
15 Seebargen 217 28 Dörp Gemeen
Vaagdie St. Jürgen
Oort Lüüd Hüüs Aard Status
1 St. Jürgen 17 3 Kark, Pasterhuus un School Gemeen
Nedderenn 71 11 Dörp
Moorhusen 68 9 Dörp
Veerhusen 46 6 Dörp
2 Millbüern 98 16 Dörp Gemeen
Wührn 182 25 Dörp
3 Öberenn 156 22 Dörp Gemeen
4 Törfmoor 262 42 Dörp Gemeen
5 Lüttmoor 183 31 Dörp Gemeen
6 Worpheim 95 12 Dörp Gemeen
7 Noordweed 99 13 Dörp Gemeen
8 Süüdweed 106 14 Dörp Gemeen
9 Westerweed 150 23 Dörp Gemeen
10 Lüninghusen 262 42 Dörp Gemeen
11 Mooringen 181 23 Dörp Gemeen
12 Nee Mooringen 108 17 Dörp Gemeen

1852–1859[ännern | Bornkood ännern]

Dat Amt Leendaal is bi de Verwaltungs- un Justizreform an’n 1. Oktober 1852 in dat Königriek Hannover grötter worrn. Von dat Amt Oosterholt hett dat de Moorvaagdie Worpsweed mit de Gemenen Bargdörp, Oostendörp, Oosterweed, Weyerdelen, Weyermoor, Worpdaal un Worpsweed tokregen un von dat Amt Otterbarg de Moorvaagdien Huttenbusch un Grasbarg mit de Gemenen Fiefhusen, Heudorp, Huttenbusch (mit Vieh), Huttendorp, Mevenst, Nee St. Jürgen, Överhamm, Winkelmoor, Adelsdorp, Ottersteen, Slussdorp, Seehusen, Tüschendorp, Wörpdörp, Dannenbarg, Eekdorp, Grasbarg, Grasdörp, Huxfeld, Meinershusen, Middelsmoor, Rutendorp, Smalenbeek un Wienkoopsmoor.

As Gericht för dat Amt is to’n 1. Oktober 1852 dat Amtsgericht Leendaal inricht worrn.

1859–1885[ännern | Bornkood ännern]

Bi de nächste Verwaltungsreform 1859 hett sik an dat Amt Leendaal nix ännert. Blots 1861 sünd dör Verordnung von König Georg V. de Düvelsdörpschen un Klenkschen Anboereen in dat Quelkhorner Moor von dat Amt Zeven an dat Amt Leendaal afgeven worrn.[5]

Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Oosterholt tohöört.

Na 1885[ännern | Bornkood ännern]

Bi de Verwaltungsreform in Prüßen to’n 1. April 1885 is dat Amt Leendaal oplööst worrn un dor is tohoop mit dat Amt Oosterholt de Kreis Oosterholt von worrn.

Inwahnertall[ännern | Bornkood ännern]

Johr Inwahners
1810-00-00 1810[6] 3.151 Lüüd. 544 Füürsteden
1848-00-00 1848[3] 4.853 Lüüd. 683 Hüüs
1867-00-00 1867[7] 12.785

Amtlüüd[ännern | Bornkood ännern]

[8]

Amtsschrievers[ännern | Bornkood ännern]

Footnoten[ännern | Bornkood ännern]

  1. Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 166
  2. Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 169
  3. 3,0 3,1 Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  5. Sammlung der Gesetze, Verordnungen und Ausschreiben für das von Königreich Hannover. 1861, Sied 39
  6. Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
  7. Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
  8. Johann Hinrich Pratje: Vermischte historische Sammlungen. 1845, Band 3, Sied 388