Truperdiek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Truperdiek

Truperdiek
Laag vun Truperdiek in Düütschland
Basisdaten
Bundsland: Neddersassen
Landkreis: Oosterholt
Gemeen: Leendaal
Inwahners:
Postleettall: 28865
Vörwahl: 04298
Geograafsche Laag:
Koordinaten:53° 8′ N, 8° 53′ O
53° 8′ N, 8° 53′ O

Truperdiek (hoochdüütsch Truperdeich) is en lütt Dörp in de Gemeen Leendaal in’n Landkreis Oosterholt, Neddersassen.

Geografie[ännern | Bornkood ännern]

De Oort liggt direkt achter’n Diek von de Wümm. An’n Oostrand von Truperdiek münnt de Wörp in de Wümm. Ut’n grötteren Deel von’n Oort flütt dat Water aver över’n Diekgraven na dat Truper Sielfleet af un denn in de Wümm. In’n Noordwesten liggt dat Naturschuulrebeed Truper Blänken. Dat Land an de Wümm is as Naturschuulrebeed Ünnere Wümm schuult.

De Naveröörd sünd Truup un Feldhusen in’n Noorden, Leendaal in’n Noordoosten, Warf un Butendiek in’n Oosten, Katrepel in’n Süüdoosten, Borgfeld un Lehesterdiek in’n Süden, dat Överblockland in’n Westen un Gehrden in’n Noordwesten.

Historie[ännern | Bornkood ännern]

Truperdiek is 1550 von Truup ut grünnt worrn. Dat Leven in’n Oort weer jümmer präägt von dat Water, dat dat siede Land an de Wümm jümmer wedder överswemmt hett. Ünner annern sünd de Dieken 1790, 1811 un 1880 braken. Wichtig för den Oort weer ünner annern de Tucht von Aanten un Göös.

As in de Befreungskriege an dat Enn von de Franzosentied de Franzosen an’n 21. April 1813 Leendaal ansteken hebbt, sünd ok de Hüüs an’n Truperdiek all afbrennt.

In’n Eersten Weltkrieg sünd dree Soldaten ut Truperdiek fullen oder vermisst.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Truup in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.

De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n Kreis Oosterholt tohoopgahn is.

De Oort weer fröher en egenstännige Gemeen. De Gemeen is an’n 1. April 1929 mit Truup un Feldhusen to een Gemeen tohoopleggt worrn, de den Naam Gemeen Truup dragen hett. An’n 1. Oktober 1937 is de Gemeen Truup Deel von de Gemeen Leendaal worrn, de mit de Gemeenreform in Neddersassen an’n 1. März 1974 noch wedder grötter worrn is.

Inwahnertall[ännern | Bornkood ännern]

Johr Inwahners
1791-00-001791[2] 10 Füürsteden
1812-00-001812[3] 53
1824-00-001824[4] 10 Füürsteden
1848-00-001848[5] 97 Lüüd. 12 Hüüs
1871-12-011. Dezember 1871[6] 72 Lüüd. 12 Hüüs
1885-12-011. Dezember 1885[7] 73 Lüüd. 12 Hüüs
1905-12-011. Dezember 1905[8] 70 Lüüd. 12 Hüüs
1910-12-011. Dezember 1910[9] 63

Religion[ännern | Bornkood ännern]

Truperdiek is evangeelsch-luthersch präägt un höört to dat Kaspel von de Marien-Kark in Truup.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

De Doden warrt op’n Karkhoff Truup begraven.

Gemeenvörsteihers[ännern | Bornkood ännern]

  • –1929: Hinrich Ahrens

Kultur[ännern | Bornkood ännern]

En Denkmaal för de Fullenen ut’n Eersten Weltkrieg steiht in Truup op’n Karkhoff.

Weertschop un Infrastruktur[ännern | Bornkood ännern]

För Truperdiek is de freewillige Füürwehr Leendaal mit tostännig.

Dat Huus up de Kniepen weer von 1879 bet 1964 en Gasthuus. Dor, wo Diekfleet un Semkenfohrtkanaal tohoop kaamt, liggt dat Gasthuus Zur Schleuse, dat siet 1852 besteiht.

Verkehr[ännern | Bornkood ännern]

De Dörpstraat dör Truperdiek geiht in’n Noordwesten an’n Wümmdiek langs na Gehrden un na Höftdiek. För’n Verkehr hett de Weg an’n Diek langs aver keen groot Bedüden. De Verkehr löppt över Leendaal un de Landsstraat 133. De L 133 geiht in Süden in de Leendaler Heerstraat över un föhrt na Bremen rin. In’n Noordoosten löppt se över Grasbarg un Tarmst na Zeven.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh an de Leendaler Heerstraat liggt so söss Kilometer von Truperdiek weg in’n Süden.

De nächste Bahnhoff is so bi söven Kilometer wied weg in’n Süüdoosten de Bahnhoff Överneeland an de Bahnlien Hamborg–Bremen. Von 1900 bet 1954 hett dat ok op de Kleenbahn Bremen–Tarmst Personenverkehr geven. De nächsten Bahnhööv weren in düsse Tied de Bahnhoff Leendaal twee Kilometer in’n Noordoosten un de Bahnhoff Borgfeld twee Kilometer in’n Süüdoosten.

An’n Oostrand von’n Oort liggt de Hollpunkt Truperdiek von de Lien 4/4S von de Stratenbahn Bremen, de över den Hauptbahnhoff Bremen bet na Oorssen reckt. De Stratenbahn besteiht siet 2014.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 230
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 604
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
  9. Inwahnertallen op gemeindeverzeichnis.de