Tarms

Vun Wikipedia
(wiederwiest vun Tarmst)
Wapen/Flagg Koort

Wapen vun Tarms

Tarms
Laag vun Tarms in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Tarms
Flach: 26,54 km²
Inwahners: 4167 (31. Dezember 2022)
Hööchd: 28 m över de See
Postleettall: 27412
Vörwahl: 04283
Geograafsche Laag:
Koordinaten:53° 13′ N, 9° 4′ O
53° 13′ N, 9° 4′ O
Grenzen bi OSM: 965609 965609
Gemeenslötel: 03 3 57 047
Öörd in de Gemeen: 1
Börgermeester: Wolf Vogel (SPD)
Websteed: www.tarmstedt.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Tarms in’n Landkreis Rodenborg (Koort lett sik anklicken)

Tarms (hoochdüütsch Tarmstedt) is’n Oort un Gemeen in Neddersassen und höört to de Landkreis Rodenborg (Wümm). De Gemeen hett all’nstohoop 4167 Inwahners (Stand 31. Dezember 2022). Tarms is Seet vun de Gemeen un vun de Samtgemeenverwaltung.

Geographie[ännern | Bornkood ännern]

Tarms liggt nah an dat Düvelsmoor un is vun de Landschop her wunnerbor. De Landweertschap is to mehrst de Mast vun Rinner un Keih. De Gemeen liggt in’n Westen vun de Samtgemeen, ümgeven vun de Gemenen Hepst, Westertimk, Büls, Vörwark un Wilst. Na Westen hen slutt sik de Landkreis Oosterholt an.

Intressant is, woans sik dat mit’n Platt verhollen deit. Wenn dat in Tarms „Keis“ för Keih heet, is dat een Dörp wieter „Kois“ und all wedder’n Dörp wieter „Kies“ un dorbi sünd jümmer de swartbunten Dinger, de op’e Weiden staht, meent.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Tarms heet fröher „Tevenstede“. Dat weer dat eerste Maal in’t Johr 1257 künnig maakt.

1983 hett Tarms den lütten Oort Tarmsermoor, de ganz in’n Westen von Tarms leeg, an de Navergemeen Grasbarg in’n Landkreis Oosterholt afgeven.

Religion[ännern | Bornkood ännern]

Tarms is evangeelsch-luthersch präägt un hett mit de Martin-Luther-Kark en egen Kark. Düsse Kark höört to de Karkengemeen von de Petri-Kark in Wilst.

Tarms harr von 1978 bet 1996 mit de Maria-Königin-Kark ok en kathoolsche Kark. Vondaag sünd de nächsten kathoolschen Karken de Maria-Freden-Kark in Worpsweed (so bi 14 Kilometer weg) un de Christ-König-Kark in Zeven (so bi 17 Kilometer weg).

Politik[ännern | Bornkood ännern]

Gemeenraat[ännern | Bornkood ännern]

Partei 2016 2011 2006
CDU 6 6 7
SPD 6 8 7
FDP 1 1 1
Gröne 1

Wapen[ännern | Bornkood ännern]

In dat Wappen vun Tarms sühst’n witt Ex, de na links wiesen deit (de Heraldik sütt dat ut de Sicht von’n Schilddreger un seggt na rechts), un twee gollen Rings dor unner. All’ns tosamm op gröön Grund. De Rings sünd bi Tarms in’n Dagbo funnen worrn. Disse Funnen hebbt en Dörmeter von üm un bi 10 cm.

Kultur[ännern | Bornkood ännern]

Jedet Johr kaamt över 100.000 Lüüd to de Tarms’er Utstellung wo dat neeste vun de Landmaschinen wiest warrt. Siet 2004 warrt in Tarms ok en Open Air Festival ünner den Naam Rock den Lukas maakt.

Butendem gifft dat in Tarms eenige Verenen, as to’n Bispeel den christlichen Jöögdchor, de Gospelmusik maken deit un chrsitliche Literatur singt. De Sport is in’n Turn- un Sportvereen Tarms vun 1908 e.V. oder kort TuS Tarms organiseert, de Sportanlagen mit dree Rasenplätz un en Vereensheim hett. De Hallensport warrt in de Sporthall maakt, de de Gemeen tohöört.

Weertschop un Infrastruktur[ännern | Bornkood ännern]

De Hauptoord Tarms gellt na dat Regionale Ruumordnungsprogramm as Grundzentrum för de Öörd in de Ümgegend.

Verkehr[ännern | Bornkood ännern]

Iesenbahn[ännern | Bornkood ännern]

Bit in dat Johr 1930 weer Tarms Knuttenpunkt för de Iesenbahn „Jan Rainers“, de bit na Bremen rinföhren de. Offiziell weer dat de Lüttbahn Bremen-Tarms. Disse Iesenbahn harr en Spoorwieten vun 1000 mm hatt. Aver dat Glies is dormals mit de Stilleggen afreten worrn. Den Jan-Rainers-Damm gifft dat aver jümmer noch. Den kann man wunnerbor mit’n Drohtesel rünnerfohren.

Straat[ännern | Bornkood ännern]

Tarms liggt an de L 133, de vun Grasbarg na Zeven to föhrt, gröttere Straten gifft dat in de Gemeen nich. Man, in den Oort loopt en poor Kreisstraten tosamen: de K 113, de na Wilst geiht, de K 114, de över Hepst un Breddörp na Rhaar föhrt, un de K 145, de in’n Landkreis Oosterholt föhrt un dor as K 15 wieterlöpt.

Weblenken[ännern | Bornkood ännern]