Vahl (Landkreis Rodenborg)

Vun Wikipedia
Wapen/Flagg Koort

Wapen vun Vahl

Vahl
Laag vun Vahl in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Fintel
Flach: 17,53 km²
Inwahners: 706 (31. Dezember 2022)
Hööchd: 38 m över de See
Postleettall: 27389 (ehmols: 2727)
Vörwahl: 04265, 04267
Geograafsche Laag:
Koordinaten:53° 11′ N, 9° 38′ O
53° 11′ N, 9° 38′ O
Grenzen bi OSM: 357091 357091
Gemeenslötel: 03 3 57 049
Öörd in de Gemeen: 3
Börgermeester: Jürgen Rademacher (WG)
Websteed: www.fintel.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Vahl (Landkreis Rodenborg) in’n Landkreis Rodenborg (Koort lett sik anklicken)

Vahl (hoochdüütsch Vahlde) is en Oort un Gemeen in de Samtgemeen Fintel in’n Landkreis Rodenborg (Wümm) mit 706 Inwahners (Stand 31. Dezember 2022).

Geografie[ännern | Bornkood ännern]

De Gemeen Vahl liggt in de ööstliche Mitt vun’n Landkreis Rodenborg (Wümm), twüschen de Gemenen Lauenbrüch in’n Westen un Fintel in’n Oosten. Na’n Süden hen besteiht Kontakt na de Eenheitsgemeen Scheeßl. In’n Noorden liggt de Landkreis Horborg, man de Grenz dorhen is blots ’n lütte Eck.

De Oort Vahl sülvst liggt inbett in en schön Landschapsbild, dat vör allen prägt is dör Landweertschap. Dör den Oort geiht de Beek Fintau. Blangen den Hööftoort höört to de Gemeen noch de Dörper Riep un Benkeloh.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

De eerste Henwies op den Oort is vun 1180 in en Oorkunn vun den Bischop vun Veern to lesen, de to de Tiet de Borg Valentlo un angrenzen Lännereen köfft harr. En Sünnerheit vun Vahl weer üm 1700 rüm, dat de Feller ok ahn Braak bestellt warrn künnen. Dat geev dat narms anners in’t Karkenspeel Scheeßel, un so hett sik dor ok bit to’n Tweeten Weltkrieg de Bueree bannig maakt.

Liddmaat vun de Samtgemeen Fintel is Vahl 1970 dör freewilligen Tosamensluss mit de anneren veer Gemenen worrn.

Religion[ännern | Bornkood ännern]

Vahl is evangeelsch-luthersch präägt un höört to dat Kaspel von de Tönjes-Kark in Fintel. Bet 1940 hett de Oort noch to dat Kaspel von de Lucas-Kark in Scheeßl höört.

För de Kathoolschen is de Corpus-Christi-Kark in Rodenborg tostännig.

Politik[ännern | Bornkood ännern]

Gemeenraat[ännern | Bornkood ännern]

Siet de Kommunalwahl 2016 sett sik de Gemeenraat as folgt tosamen:

Partei 2016 2011 2006
SPD 4 4 4
WG Vahl 4 5 5
Gröne 1

Börgermeesters[ännern | Bornkood ännern]

Tied Naam Partei
1972-2009 Artur Behrens WG
2009- Jürgen Rademacher WG

Kultur[ännern | Bornkood ännern]

De Gemeen is ländlich prägt. In de Gegend kann een fein Wannern un Utfohrten maken. De Gemeen hett bit 1940 to dat Karkspeel Scheeßel tohöört. Op de Verbinnen tode Scheeßeler Kark düüt ok vundaag noch de Scheeßeler Trachten hen, de in vele Vahler Hüüs to finnen sünd. Dat Zentrum vun de Gemeen warrt vundaag dör dat Dörpsgemeenschopshuus, den Kinnerspeelkreis un de Scheetanlaag billt.

In de Gemeen gifft dat ok en poor Verenen. Siet Mitt vun’t 20. Johrhunnert gifft dat all de Freewillig Füerwehr un den Schüttenvereen. Man ok de Sportvereen laadt to’n Mitmaken in. De is sünners bi’n Football düchtig aktiv.

Verkehr[ännern | Bornkood ännern]

Vahl liggt an de K 212 de över Fintel wieter na Snevern löpt. Op de annern Siet föhrt se dör Lauenbrüch un münnt dorachter denn in de B 75 vun Hamborg na Bremen. De neegste Autobahnansluss is de Opfohrt 47 Zittens op de A 1 (Afsnidd HamborgBremen). De beiden Oortsdelen Riepe un Benkeloh leegt aver nich an de Kreisstraat, sünd aver över Nevenstraten doran anslaten.

Literatur[ännern | Bornkood ännern]

  • Claus Stamann: Benkeloh, Riepe, Vahlde. Die Geschichte einer Gemeinde. 2016

Weblenken[ännern | Bornkood ännern]

Vahl (Landkreis Rodenborg). Mehr Biller, Videos oder Audiodateien to’t Thema gifft dat bi Wikimedia Commons.