Telefonvörwahl

En Telefonvörwahl (in Düütschland heet datt Oortsnettkenntall, ONKz) is en Reeg von eenstellige Tallen, de man bi dat Wählen von en Telefonnummer ingeben mutt, um den logischen Oort to wesseln. Dee logische Oort is mehrsttieds de geographische Oort, ober blots bi Anroopen to Anslüsse in’t Fastnett. Dat kann sick obers ook üm en eegen Telefonnett (to’n Bispeel Mobilfunk) oder enen annern Deenst (to’n Bispeel Servicenummern) hanneln.

Historie

De Telefonvörwahlen wörrn nödig, weil de Telefonnetten jümmers blots för enkelte Öörde utleggt worn sünd. Wenn also twee Telefonnetten Nummern hatt hebbt, de gliek wörrn, müss man extra wat moken un man hett de Telefonvörwahl utdacht. Siet 1964 sünd de internatschonalen Telefonvörwahlen dör de Internatschonale Telekommunikations Union (ITU) normt.

Sietdem bestaht de Telefonvörwahl in de mehrsten Länner ut en enkelte Tall (Verkehrsausscheidungsziffer) und de egentliche Vörwahlnummer. Will man to’n Bispeel in dat düütsche Telefonnett en Gespreeck no Berlin moken, denn wählt man de Tallenreeg „030“. De Null is dorbi de Verkehrsausscheidungsziffer, de „30“ de Kennung för Berlin.

För internatschonale Telefonvörwahlen gifft dat en annere Verkehrsausscheidungsziffer, in de meisten Länner is dat de „00“.

Vörwahloorten

Dat gifft verschedene Oorten von Vörwahlen:

• de internatschonale Telefonvörwahl (üm dat Land to wählen)
• in veele Länner de Oortsnettkenntall as in Düütschland

Länner mit Dwangsvörwahl

In de Swiez (März 2002), in Frankriek (1999), in Däänmark (?), in Italien, in Belgien (Juli 2000), in Tschechien (?), in Grekenland, in Polen (05.12.2005) un in Spanien mutt man de Vörwahl jümmers bruken, ook wenn man blots in’n Oort telefoneert. De Vördeel is, dat man dormit för elke Oortsnett 11 % meer Nummern hett, ümdat de Tall 0 ook direkt no de Oortsnettkenntall brukt warrn kann. Bito is elke Deelnehmer von dat ganze Land jümmer mit desülbe Nummer antoropen. In Estland hett man de Vörwahlen ganz afschafft un de Vörwahl för de Telefonnummer sett. Daarum kann man de Telefonnummern bi en Ümtog in’t ganze Land mitnehmen. De Tschechsche Republik schnakt ook von de Afschaffen von de Vörwahl.

Affrogen

In Düütschland

• Telefonutkunft: http://www.telefonbuch.de
• Städer/Länner mit de Vörwahl finden: http://www.xdial.de/vorwahlen

Weblenken

• List von de Vörwahlen bi de Bundsnettagentur (hoochdüütsch)
• Düütsche Telefonvörwahlen (hoochdüütsch)
• Düütsche Vörwahlnummern AVON (hoochdüütsch)