Hellweeg

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Hellweeg (Mehrdüdig Begreep).

Wapen/Flagg Koort

Wapen vun Hellweeg

Hellweeg
Laag vun Hellweeg in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Söttmer
Flach: 27,44 km²
Inwahners: 1.106 (31. Dezember 2007)
Inwahnerdicht: 40,3 Inwahners pro km²
Hööchd: 15 m över de See
Postleettall: 27367
Vörwahl: 04264
Geograafsche Laag:
Koordinaten:53° 4′ N, 9° 14′ O
53° 4′ N, 9° 14′ O
Grenzen bi OSM: 965611 965611
Gemeenslötel: 03 3 57 022
Öörd in de Gemeen: 4
Börgermeester: Wolfgang Harling (SPD)
Websteed: www.sottrum.de
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Gemeen Boitzen Bothel Breddörp Gemeen Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gemeen Gnarrenborg Groot Meckels Jeem Homersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Zittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Zittens Zittens Söttmer Stemmen (Neddersassen) Tarms Tiss Tiss Vahl Vahl Vierden Gemeen Visselhöövd Gemeen Vörwark Westertimk Westerwals Wilst Woonst Zeven
Laag von de Gemeen Hellweeg in’n Landkreis Rodenborg (Koort lett sik anklicken)

Hellweeg is en Oort un Gemeen in de Samtgemeen Söttmer in’n Landkreis Rodenborg (Wümm) mit ruchweg 1.100 Inwahners. De Gemeen sett sik ut den Karnoort Hellweeg un de dree Oortsdelen Auf der Meente, Bredenfellermoor un Stell tohopen.

Geografie[ännern | Bornkood ännern]

De Gemeen Hellweeg liggt an’n westlichen Rand vun’n Landkreis un slutt na Westen hen an den Flecken Otterbarg un in’n Süden an de Eenheitsgemeen Langwedel an, de beid to’n Landkreis Veern höört. In’n Oosten vun Hellweeg liggt de Gemeen Ahusen un in’n Noorden grenzt de Gemeen Söttmer an.

De Landschop sett sik tohopen ut Woolden mit Barken-, Böken- un Dannenbööm, lütte un grote Heidflachen un eenige Moorrebeden.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

In en Oorkunn is Hellweeg 1275 dat eerste mol nöömt worrn. Ünner den Naam „Hellewede“ weer dorin vun den Bischop Konrad vun Veern an de Afgaven vun de Börgers dacht. Woneem de Naam herkummt, is nich nipp un nau kloor: Dat mag wesen, dat de vun de hellen Sandweeg afleidt is oder villicht doch ok vun de Landsknechten, de hier jemehr Heerweeg (in’t Middelöller as Hellweg betekent) folgt sünd. Siedlers geev dat aver seker al veel fröher in at Rebeet. Dorvun tüügt nich blots de tallrieken Bultengräver, man ok vele Funnen as Toonschören oder Steenwarktüüch ut de Tiet twüschen 2000 bit 1600 v. Chr.

Anfangs weer Hellweeg en ool Buerndörp, dat twüschen Feller, Woolden un Wischen legen hett mit dat Wümmsietland in’n Noorden. De eerste Brüch, över de een ok föhren künn, weer 1911 över de Wümm boet. Dorför güng de Verkehr dör de Wümm. Blangen den Dörtigjohrigen Krieg, över denn nich veel överlevert is, weer de Tweete Weltkrieg ünner de düstersten Tieten för de Gemeen. In de Tiet sünd in dat Rebeet blangen engelsche un düütsche Soldaten ok mehrere Inwahners vun Hellweeg üm’t Leven kamen un vele vun de Hüüs weern tonichten maakt.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Hellweeg besteiht ut ölven Lüüd, de sik siet de letzten Kommunalwahl vun’n September 2016 as folgt tohopensett:

Partei 2016 2011 2006
CDU 4 4 5
SPD 7 7 6

Börgermeester[ännern | Bornkood ännern]

De Börgermeester vun Hellweeg is Wolfgang Harling vun de SPD. He warrt vertreden vun sien eersten Viez Heiner Lange vun de CDU un sien tweeten Viez Heiko Eisermann vun de SPD.

Wapen[ännern | Bornkood ännern]

Dat Wapen hett en roden Grund, wat de Klöör för Neddersassen is un för de Heidflachen steiht. Ünnerdeelt warrt dat Wapen vun en sülvernen Schraagbalken op den wedder en blauen Bülgenbalken dorstellt is. De Bülgenbalken is en Teken för de Wümm, wiel de sülverne Balken för de hellen Weeg (Sandweeg) oder Heerweeg vun de Gemeen steiht, vun de ok de Naam vun de Gemeen afleidt is. Vörn baven is en sülvern Spitznagelkrüüz to sehn, dat op de Tohöörigkeit to dat Bisdom Veern hendüüt. Achtern ünnen is toletzt en sülverne Ekel afbillt, as’n Teken för de Ekenwoolden in de Gemeen.

Kultur[ännern | Bornkood ännern]

Hellweeg heet ’n lütte Utwahl an Verenen för’t Gestalten vun de Freetiet. So hett de Gemeen blangen de Freewillige Füerwehr en Schüttenvereen un en Angelsportvereen. De Bredensport is in’n TuS Hellweeg organiseert. Butendem gifft dat en Reservistenkameraadschop un en Oortsgrupp vun de VdK.

Verkehr[ännern | Bornkood ännern]

De Gemeen liggt nich wiet weg vun de BAB 1. De neegste Anslussteed is de Opfohrt 51 Posthusen, man ok na de Opfohrt 50 Stuckenbossel is gau hentokamen. Blangen disse Hööftverkehrsader gifft dat blots noch twee Kreisstraten, de dör de Gemeen föhrt. Dat een is de K 205, de vun Oosten her vun Ahusen kummt, in Hellweeg denn na Noorden wieterlöpt un den Oort mit Söttmer verbinnt. Dor münnt se in de B 75. De annere is de K 234, de in Hellweeg aftwiegt un wieter na Westen föhrt, woneem se in’n Noorden vun Posthusen in de L 155 inmünnt.

Weblenken[ännern | Bornkood ännern]

Commons-logo.svg Hellweeg. Mehr Biller, Videos oder Audiodateien to’t Thema gifft dat bi Wikimedia Commons.