Samtgemeen Söttmer

Vun Wikipedia
Zur Navigation springen Zur Suche springen
Wapen/Flagg Koort

Wapen vun de Samtgemeen Söttmer

Samtgemeen Söttmer
Laag vun Samtgemeen Söttmer in Düütschland
Basisdaten
Sitt: Söttmer
Landkreis: Rodenborg (Wümm)
Flach: 172,92 km²
Inwahners: 14.531 (31. Dezember 2016)
Geograafsche Laag: 53° 7′ N, 9° 14′ O
Gemeenslötel: 03 3 57 406
Tall Gemenen: 7
SG-Börgermeester: Markus Luckhaus
Websteed: www.sottrum.de
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Samtgemeen Söttmer in’n Landkreis Rodenborg (Koort lett sik anklicken)

De Samtgemeen Söttmer (hoochdüütsch Sottrum) is en Samtgemeen in’n Landkreis Rodenborg (Wümm), in de sik söven Gemenen för dat Afwickeln vun de Verwaltenssaken tohopen slaten hebbt. Se hett 14.531 Inwahners (Stand 31. Dezember 2016).

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie[ännern | Bornkood ännern]

De Samtgemeen Söttmer liggt süüdlich vun de Mitt an’n westlichen Rand vun den Landkreis Rodenborg un grenzt in’n Westen an den Landkreis Veern. In’n Norden stött Söttmer an de Samtgemenen Tarms un Zeven un in’n Süüden an de Samtgemeen Bootel. In’n Oosten warrt dat Rebeet vun de Eenheitsgemeen Rodenborg (Wümm) begrenzt.

Historie[ännern | Bornkood ännern]

De lütten Gemenen weern fröher noch ehrenamtlich verwalt. Dör de stiegenden Föddern weer al in de 1950er Johren kloor, dat de Verwalten reformeert warrn müss, un dat Ännern vun’t Schoolwesen hett 1969 denn dorto föhrt, dat sik de lütten Gemenen Boitzen, Clüversbossel, Evernhusen, Hassendörp, Hellweeg, Höperhöben, Reeßen, Sleßel, Söttmer, Stapel, Stuckenbossel, Taaken un Winkeldörp freewillig un vun sik ut to de Samtgemeen tohopenslaten hebt. De eerste Hööftsetten traad an’n 30. Juni 1969 in Kraft.

An’n 29. Dezember 1970 is denn ok de Gemeen Horß to de Samtgemeen bipeddt. Un as an’n 1. März 1974 in’n Landkreis de Gemenen nee opdeelt weern, keemen noch Ahusen un Ebersen dorto. De Samtgemeen Söttmer is den eenfach ünner dat nee Recht stellt worrn. Do de Tiet hebbt sik ok eenige vun de lütten Gememen tosamenslaten, so dat vun doran de söven Gememen tohopenfunnen hebbt, as wi jem vundaag kennt.

Politik[ännern | Bornkood ännern]

Samtgemenenopdelen[ännern | Bornkood ännern]

To de Samtgemeen höört de nafolgend Gemenen (na’t Bookstaberen):

  1. Ahusen
  2. Boitzen
  3. Hassendörp
  4. Hellweeg
  5. Horß
  6. Reeßen
  7. Söttmer

Samtgemeenraat[ännern | Bornkood ännern]

De Sottrumer Samtgemeenraat besteiht vundaag neven den den Samtgemeenbörgermeester ut dörtig wählte Raatsliddmaten, de sik op veer verscheedene Parteien verdeelt. De letzte Kommunalwahl weer in’n September 2011:

Partei 2016 2011 2006
CDU 12 11 13
SPD 10 11 11
Bündnis 90/De Grönen 4 6 4
FDP 2 1 3
PoP 1 1
WFB 1

Samtgemeenbörgermeesters[ännern | Bornkood ännern]

Dat Amt von’n Samtgemeenbörgermeester weer bet to dat Enn von de Tweegleisigkeit 2007 ehrenamtlich. Siet 2007 is de Börgermeester in’t Hauptamt för de Verwaltung von de Samtgemeen tostännig.

De Samtgemeenbörgermeester is Markus Luckhaus vun de CDU. Luckhaus hett dat Amt 2006 övernahmen. In de eerste Tied weer he noch ehrenamtlich Börgermeester bet he to’n 1. Juni 2007 dat Amt hauptamtlich övernahmen hett un dor denn nu ok de Opgaven von’n Samtgemeendirekter mit hett.

  • 1974-1996: Willi Schröder
  • 1996-2001: Bernhard Hasselhoff (CDU)
  • 2001-2006: Erhard Thies (SPD)
  • 6. November 2006-: Markus Luckhaus (CDU)

Samtgemeendirekters[ännern | Bornkood ännern]

Dat Amt von’n Samtgemeendirekter is 2007 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

  • 1989-31. Mai 2007: Fritz Lange

Wapen[ännern | Bornkood ännern]

De Samtgemeen Söttmer harr 1970 Verlöf kregen, dat Wapen vun de Gemeen Söttmer to övernehmen. Dat Wapenschild is root un wiest ünner en rechten sülvern Bövereck mit swarten Nagelkrüüz den Hilligen Georg in golden Rüsten op goldtöömten un goldhoofig sülvern Peerd mit en golden Lanz, as he en Lindworm dootstickt.

Partnerschoppen[ännern | Bornkood ännern]

De Samtgemeen Söttmer hett an’n 17. April 1973 en Partnerschop mit de Gemeen Sauveterre-de-Guyenne in Frankriek begrünnt.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Söttmer hett en Bahnhoff an de Hööftstreck twüschen Hamborg un Bremen.

Dör de Samtgemeen löppt ok de Bundsautobahn 1 Hamborg – Bremen, de op dat Rebeet vun de Samtgemeen de Anslussteed 50 Stuckenbossel hett. Dör Söttmer un Hassendörp löpt de B 75, de ok Hamborg un Bremen verbinnt. In’n Noorden warrt de Gemeen Boitzen vun de B 71 streift, de Zeven mit Rodenborg verbinnt un in’n Süüden löppt de B 215 vun Rodenborg över Eversen na Veern en lütt Stück dör de Gemeen Ahusen.

Scholen[ännern | Bornkood ännern]

De Samtgemeen is Dreger von dat Gymnasium Söttmer.

Websteden[ännern | Bornkood ännern]