Bundsstraat 215

Vun Wikipedia
Bundesstraße 215
Bundesstraße 215
Basisdaten
Längd alltohoop: 96 km
Bundsland: Neddersassen
Grundricht: Noord-Süüd
Koort
Verloop von de Bundsstraat 215
Verloop von de Bundsstraat 215
Verloop von de Bundsstraat 215

De Bundsstraat 215 is en Bundsstraat in Düütschland, de von Rodenborg bet dicht bi de Grenz von Neddersassen na Noordrhien-Westfalen nich wied von Minnen geiht un 96 Kilometer lang is.

Verloop[ännern | Bornkood ännern]

De Bundsstraat 215 fangt an de B 71 an, geiht dör de Binnenstadt von Rodenborg över de Wümm un dör de Öörd Ünnerst, Ebersen, Wall un Dauelsen un kummt na 26 km in de Stadt Veern. In Dauelsen liggt de Opfohrt 25 Veern-Noord op de Autobahn 27. De Straat geiht an de Stadt Veern vörbi över de Aller röver un denn jümmer na Süden to an de Middelwerser langs över de Öörd Hänsch, Dörbern, Barme, Drübber, Hassel, Eestrup, Gannsbargen, Hassbargen, Rohßen un Drakenborg bet na Neenborg (61 km). In Rohßen münnt de B 209 in de B 215. In Neenborg löppt se en Stück parallel to de B 6 un billt hier toglieks de B 214. De B 215 löppt denn na Süüdwesten wieder an de Werser langs över Schäperhoff/Kattriede, Läsering, Esdrup un Landsebargen na Leese. Dor drippt de B 215 op de B 441. De beiden Straten nehmt nu för en Stück den sülven Verloop, böögt na Westen af un gaht över de Werser röver na Stolzenau. Dor verlett de B 215 de B 441 wedder un löppt denn an dat linke Över von de Werser na Süüdwesten to. De Straat geiht dör de Öörd Müsselringen, Diersdörpe, Glissen un Hargenstehe un münnt denn bi Krüüzkroog in de B 61.

Historie[ännern | Bornkood ännern]

De Schossee twüschen Neenborg un Veern is 1849 boot worrn.[1] De hüdige Brügg över de Aller in Veern is 1934 boot worrn.[2]

Fröher güng de Bundsstraat merrn dör de Binnenstadt von Neenborg. Vondaag is de Straat aver anners leggt un löppt in Neenborg en Stück parallel to de B 6 bet an de Anslusssteed Neenborg-Midd. Von dor geiht en Tobringer na’n Berliner Ring un denn geiht dat op den olen Verloop wieder.

Footnoten[ännern | Bornkood ännern]

  1. Hermann Tickert: Der Landkreis Nienburg (Weser). Bremen-Horn 1959
  2. http://www.strassenbau.niedersachsen.de/portal/live.php?navigation_id=21025&article_id=123652&_psmand=135

Weblenken[ännern | Bornkood ännern]

Bundsstraat 215. Mehr Biller, Videos oder Audiodateien to’t Thema gifft dat bi Wikimedia Commons.