Drübber

Vun Wikipedia
Zur Navigation springen Zur Suche springen
Wapen/Flagg Koort

Wapen vun Drübber

Drübber
Laag vun Drübber in Düütschland
Basisdaten
Bundsland: Neddersassen
Landkreis: Veern
Gemeen: Dörbern
Inwahners:
Postleettall: 27313
Vörwahl: 04234
Geograafsche Laag:
Koordinaten:52° 49′ N, 9° 12′ O
52° 49′ N, 9° 12′ O

Good Drüber op en Postkoort von 1914

Drübber (hoochdüütsch Drübber) is en lütten Oort in de Gemeen Dörbern in’n Landkreis Veern, Neddersassen. Binnen de Gemeen Dörbern höört de Oort to de polietsche Oortschop Baame.

Geografie[ännern | Bornkood ännern]

De Oort liggt op de Geest dicht bi dat Över von de Werser. In’n Oosten liggt dat Drübber Holt.

De Naveröörd sünd Baame in’n Noorden, Dörbern in’n Noordoosten, Dienshoop in’n Oosten, Heidhüsen in’n Süüdoosten, Jübber un Hassel in’n Süden un Hingste in’n Westen.

Historie[ännern | Bornkood ännern]

De Oort geiht trügg op dat Good Drübber, dat ok Heisenhoff nöömt warrt, un dat von 1686 bet 1839 Seet von de Familie von Ramdohr weer. In de Johren 1930 bet 1945 is dat Good von de Munitschoonsfabrik von de Eibia GmbH bruukt worrn. Von 1957 bet 1996 weer dat Good Deel von de Neddersassen-Kasern.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Eestrup in’n Kanton Heien höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Vaagdie Dörbern in dat Amt Wessen tohöört. 1859 is dat Amt Wessen oplööst worrn un Drübber hett von 1859 bet 1885 to dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem tohoopleggt worrn is un den ne’en un grötteren Kreis Veern billt hett.

De Oort höört al von öllers bi de Gemeen Baame mit bi, de an’n 1. Juli 1972 mit de Gemeenreform in Neddersassen Deel von de Gemeen Dörbern worrn is.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 34
1824-00-001824[3] 5 Füürsteden
1848-00-001848[4] 45 Lüüd. 7 Hüüs
1871-12-011. Dezember 1871[5] 40 Lüüd. 6 Hüüs
1885-12-011. Dezember 1885[6] 43 Lüüd. 6 Hüüs
1905-12-011. Dezember 1905[7] 39 Lüüd. 8 Hüüs

Religion[ännern | Bornkood ännern]

Drübber is evangeelsch-luthersch präägt un höört to dat Kaspel von de Cosmae-un-Damiani-Kark in Dörbern.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Drübber löppt de Bundsstraat 215, de in’n Noorden över Dörbern na Veern föhrt un in’n Süden över Hassel un Eestrup na Neenborg.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so 18 Kilometer in’n Noorden von Drübber an de B 215.

De nächste Bahnhoff is so bi fiev Kilometer wied weg in’n Noordoosten de Bahnhoff Dörbern an de Bahnlien Bremen–Wunsdörp.

Scholen[ännern | Bornkood ännern]

De Kinner ut Drübber güngen fröher al op de Volksschool in Dörbern un vondaag op de Grundschool Dörbern.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 60
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 111
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 148
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 64
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180

Weblenken[ännern | Bornkood ännern]

Commons-logo.svg Drübber. Mehr Biller, Videos oder Audiodateien to’t Thema gifft dat bi Wikimedia Commons.