Ünnerst

Vun Wikipedia
Zur Navigation springen Zur Suche springen
Wapen/Flagg Koort

Wapen vun Ünnerst

Ünnerst
Laag vun Ünnerst in Düütschland
Basisdaten
Bundsland: Neddersassen
Landkreis: Rodenborg
Gemeen: Rodenborg
Inwahners:
Postleettall: 27356
Vörwahl: 04269
Geograafsche Laag:
Koordinaten:53° 5′ N, 9° 21′ O
53° 5′ N, 9° 21′ O

Ünnerst (hoochdüütsch Unterstedt) is en Dörp un Oortschop in de Gemeen Rodenborg in’n Landkreis Rodenborg, Neddersassen.

Geografie[ännern | Bornkood ännern]

De Oort liggt knapp twee Kilometer af von de Wümm, de in’n Noorden langsflütt. Na Süüdoosten to liggt dat Naturschuulrebeed von dat Grote un Witte Moor.

De Naveröörd sünd Luhn un Rodenborg in’n Noordoosten, Grafel un Worth in’n Oosten, Riekenbossel un Karkwals in’n Süüdoosten, Westerwals in’n Süden, Ebersen un Ahusen in’n Süüdwesten, Hellweeg in’n Westen un Fährhoff, Hassendörp un Waaschen in’n Noordesten.

Historie[ännern | Bornkood ännern]

Blick op’n Hempbarg

De öllsten Funnen op dat Rebeed von Ünnerst sünd ölven Hünengräver ut de Bronztied (üm un bi 1500 v. Chr.) op’n Hempbarg. Op’n Karkbarg sünd ole Gräver ut de Tied von dat 6. Johrhunnert af an nawiest.

In’t Middelöller legen de dree öllsten Hööv von Ünnerst dichter bi de Wümm. Eerst later hebbt de Buurn jemehr Hööv op de Geest verleggt.

In’n Eersten Weltkrieg sünd teihn Soldaten ut Ünnerst fullen oder vermisst un in’n Tweten Weltkrieg 28.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Karkwals in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Ünnervaagdie Ahusen in de Amtsvaagdie Ahusen von dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.

De Oort is an’n 1. März 1974 mit de Gemeenreform in Neddersassen Deel von de Gemeen Rodenborg worrn. Vondaag billt dat Dörp en Oortschop binnen de Gemeen Rodenborg mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1793-00-001793[2] 17 Füürsteden
1812-00-001812[3] 131
1824-00-001824[4] 28 Füürsteden
1848-00-001848[5] 199 Lüüd. 38 Hüüs
1871-12-011. Dezember 1871[6] 231 Lüüd. 44 Hüüs
1910-12-011. Dezember 1910[7] 257
1925-00-001925[8] 339
1933-00-001933[8] 322
1939-00-001939[8] 376

Religion[ännern | Bornkood ännern]

Ünnerst is evangeelsch-luthersch präägt un höört to dat Kaspel von de Marienkark in Ahusen.

För de Kathoolschen is de Corpus-Christi-Kark in Rodenborg tostännig.

Dat Dörp hett en egen Karkhoff. De Karkhoffskapell is an’n Volkstruurdag 1963 inwieht worrn. De Kapell hett 1963 ok en Klock kregen, de von de Karkengemeen Ahusen stift worrn is.

Wapen[ännern | Bornkood ännern]

Dat Wapen von Ünnerst wiest en Hünengraff in en Heidlandschop mit Machannelbüsch.

Oortsbörgermeesters[ännern | Bornkood ännern]

  • opstunns: Uwe Lüttjohann

Kultur[ännern | Bornkood ännern]

Gedenktafeln för de Fullenen ut de twee Weltkrieg’ hängt in Ahusen in de Kark.

Verenen[ännern | Bornkood ännern]

Ünnerst hett en Schüttenvereen, de 1910 grünnt is. De Heimatvereen Ünnerster Spieker is 1992 grünnt worrn.

Weertschop un Infrastruktur[ännern | Bornkood ännern]

Ünnerst hett en egene freewillige Füürwehr, de 1936 grünnt worrn is.

Verkehr[ännern | Bornkood ännern]

Dör Ünnerst löppt de Bundsstraat 215, de in’n Noordoosten na Rodenborg geiht un dor an de Bundsstraten B 440, B 71 un B 75 anslaten is. In’n Süüdwesten geiht de B 215 över Ebersen un Wall na Veern. Na Westen geiht von de B 215 de Kreisstraat 217 af na Ahusen.

De nächste Autobahn is de Autobahn 1. De Opfohrt 51 Posthusen liggt so 15 Kilometer in’n Westen von Ünnerst an de B 75. Ok de Opfohrt 25 Veern-Noord op de A 27 is so bi 15 Kilometer wied weg (in’n Süüdwesten an de B 215).

De nächste Bahnhoff is so bi fiev Kilometer wied weg in’n Noordoosten de Bahnhoff Rodenborg an de Bahnlien Hamborg–Bremen. Direkt an’n Oort langs geiht ok de Bahnlien Rodenborg–Veern, an de Ünnerst en lütten Bahnhoff hett. Disse Bahnlien gifft dat siet 1928. Personenverkehr gifft dat an’n Bahnhoff Ünnerst un an de annern Bahnhööv twüschen Rodenborg un Veern aver nich mehr. De Töög föhrt all dör ahn to hollen.

Lüüd[ännern | Bornkood ännern]

De plattdüütsche Schrieversche Birgit Lemmermann leevt in Ünnerst. Von 2003 bet 2012 hett ok de plattdüütsche Schriever Carl-Heinz Dirks dor wahnt.

Footnoten[ännern | Bornkood ännern]

  1. http://www.denkmalprojekt.org/2012/ahausen_lk-rotenburg-w_ns.html
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 232: https://books.google.de/books?id=jN5QAAAAcAAJ&pg=PA232
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
  4. C. H. Jansen: Statistisches Handbuch des Königreichs Hannover. 1824, Sied 610: http://books.google.de/books?id=tG0AAAAAcAAJ&pg=PA610
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 154: http://books.google.de/books?id=eOI-AAAAcAAJ&pg=PA154
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
  7. http://www.gemeindeverzeichnis.de/gem1900/gem1900.htm?hannover/rotenburg.htm
  8. a b c http://www.verwaltungsgeschichte.de/rotenburg.html

Weblenken[ännern | Bornkood ännern]

Commons-logo.svg Ünnerst. Mehr Biller, Videos oder Audiodateien to’t Thema gifft dat bi Wikimedia Commons.