Mairie Karkwals

Vun Wikipedia
Zur Navigation springen Zur Suche springen

De Mairie Karkwals weer in de Franzosentied (1810 bet 1813) een von de dree Mairien, in de de Kanton Rodenborg indeelt weer. De Seet weer in Karkwals. Se harr 2135 Inwahners.[1]

Historie[ännern | Bornkood ännern]

De Ümgegend von Karkwals hett vör de Franzosentied to dat Amt Rodenborg in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Karkwals een von de söven Mairien in’n Kanton Rodenborg von’n Distrikt Veern, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Karkwals weer nu een von de dree Mairien in’n Kanton Rodenborg, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Karkwals, Ahusen un Ünnerst ut’n Kanton Rodenborg höört harrn. Von de Mairie Ünnerst is de gröttere Deel an de Mairie Karkwals gahn. Blots de Oort Grafel is in de Mairie Rodenborg wesselt.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemeen Otterbarg, de Stadt Rodenborg un de Samtgemenen Bootel un Söttmer.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 22