Postdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 16 m över NN | |
| Postleettall: | 28870 | |
| Vörwahl: | 04297 | |
| Geograafsche Laag: | Koordinaten:53° 3′ N, 9° 10′ O53° 3′ N, 9° 10′ O | |
|
| ||
Postdörp (oder ok Posthusen; hoochdüütsch Posthausen) is en Dörp in de Gemeen Otterbarg in’n Landkreis Veern, Neddersassen. Binnen de Gemeen Otterbarg höört de Oort to de polietsche Oortschop Posthusen.
Geografie
[ännern | Bornkood ännern]De Oort liggt in dat Hellweger Moor. Dat Water ut dat Rebeed warrt över Gravens na de Wümm hen afföhrt.
De Naveröörd sünd Wümmingen un Evernhusen in’n Noorden, Hellweeg in’n Noordoosten, Stell in’n Oosten, Hoberloo in’n Süüdoosten, Stellsfellen un Hintzendörp in’n Süden, Grasdörp un Giersdörp in’n Süüdwesten, Middeldörp unSchanzendörp in’n Westen un Rootlook in’n Noordwesten.
Historie
[ännern | Bornkood ännern]De Oort is 1792 as Moorkolonie in dat Hellweger Moor grünnt worrn.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karkwals in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Amtsvaagdie Ahusen (Ünnervaagdie Hintzendörp) in dat Amt Rodenborg tohöört un denn von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort hett fröher mit Middeldörp, Rootlook un Wümmingen de Gemeen Wümmingen billt, de sik an’n 1. Juli 1968 mit dree annere Gemenen to de Gemeen Posthusen tohoopslaten hett. De Gemeen Posthusen wedder is an’n 1. Juli 1972 mit de Gemeenreform in Neddersassen Deel von de Gemeen Otterbarg worrn. Sietdem billt Posthusen binnen de Gemeen Otterbarg en Oortschop.
Inwahnertall
[ännern | Bornkood ännern]| Johr | Inwahners |
|---|---|
| 1812[1] | 54 |
| 1824[2] | 9 Füürsteden |
| 1848[3] | 75 Lüüd, 13 Hüüs |
| 1. Dezember 1871[4] | 106 Lüüd, 18 Hüüs |
| 1. Dezember 1885[5] | 94 Lüüd, 16 Hüüs |
| 1. Dezember 1905[6] | 78 Lüüd, 13 Hüüs |
Religion
[ännern | Bornkood ännern]Postdörp is evangeelsch-luthersch präägt un billt mit de Lukas-Kark en egen Kaspel. Düsse Kark is 1852 nee boot worrn. Vörher hett de Oort to dat Kaspel von de Marien-Kark in Ahusen tohöört.
För de Kathoolschen is de St.-Matthias-Kark in Achem tostännig.
De Karkhoff Postdörp liggt rund üm de Lukas-Kark.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Postdörp is 1921 grünnt worrn.
Weertschop un Infrastruktur
[ännern | Bornkood ännern]
Postdörp hett en egene freewillige Füürwehr, de 1900 grünnt worrn is.
Dat gröttste Ünnernehmen in Postdörp is dat Inkoopzentrum Dodenhof.
Verkehr
[ännern | Bornkood ännern]Dör Postdörp löppt de Landsstraat 155, de in’n Noordwesten över Wümmingen na Otterbarg an de L 168 ran geiht un in’n Süüdoosten över Stellsfellen, Hintzendörp un Allerdörp na Völkersen un bi Nindörp an de L 158 ran. Von de L 155 na Westen geiht de Kreisstraat 5 af, de över Middeldörp, Giersdörp un Schanzendörp na Bassen an de L 156 ran föhrt. Na Oosten geiht in Postdörp von de L 155 en lüttjere Straat af, de na Stell un Hellweeg föhrt.
De nächste Autobahn is de Autobahn 1 (Afsnidd Hamborg–Bremen). De Opfohrt 51 Posthusen liggt so dree Kilometer in’n Noordwesten von Postdörp an de L 155.
De nächste Bahnhoff is so bi fiev Kilometer wied weg in’n Noordwesten de Bahnhoff Otterbarg an de Bahnlien Hamborg–Bremen.
Scholen
[ännern | Bornkood ännern]De Oort hett mit de Grundschool Posthusen en egen School. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.
Footnoten
[ännern | Bornkood ännern]- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 490
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3