Grasdörp (Landkreis Veern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28870 | |
| Vörwahl: | 04297 | |
| Geograafsche Laag: | Koordinaten:53° 2′ N, 9° 9′ O53° 2′ N, 9° 9′ O | |
|
| ||
Grasdörp (hoochdüütsch Grasdorf) is en Dörp in de Gemeen Otterbarg in’n Landkreis Veern, Neddersassen. Binnen de Gemeen Otterbarg höört de Oort to de polietsche Oortschop Posthusen.
Geografie
[ännern | Bornkood ännern]De Oort liggt in dat Hellweger Moor. Na Süden to slütt sik de Achem-Veerner Geest an. Dat Water ut dat Rebeed flütt över Gravens na’n Moorkanaal, de denn in de Wümm münnt.
De Naveröörd sünd Giersdörp un Schanzendörp in’n Noorden, Middeldörp, Postdörp, Hintzendörp un Stellsfellen in’n Noordoosten, Allerdörp in’n Süüdoosten, Langwedelermoor un Lindholt in’n Süden, Ädelsen, Hustäe, Giersbarg un Steenbarg in’n Süüdwesten un Bauermoor in’n Westen.
Historie
[ännern | Bornkood ännern]Grasdörp is 1793 as Moorkolonie in dat Hellweger Moor anleggt worrn. Worüm de Oort den Naam Grasdörp driggt, is nich ganz kloor, aver dat hett in dat 18. Johrhunnert in dat Hellweger Moor en lütten Moorsee geven, de den Naam Grassee harr. Villicht kummt de Naam dorvon.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Grasdörp in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bauen in’n Kanton Achem.
De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Oort hett fröher en Buurschop un later en egenstännige Gemeen billt. De Gemeen hett bet to’n 1. Juli 1968 bestahn, as sik de Gemeen mit de dree Gemenen Giersdörp-Schanzendörp, Hintzendörp-Stellsfellen un Wümmingen to de ne’e Gemeen Posthusen tohoopslaten hett. De Gemeen Posthusen hett ok blots veer Johr bestahn un is mit de Gemeenreform in Neddersassen an’n 1. Juli 1972 oplööst un Deel von de Gemeen Otterbarg worrn.
Inwahnertall
[ännern | Bornkood ännern]| Johr | Inwahners |
|---|---|
| 1812[1] | 110 |
| 1824[2] | 17 Füürsteden |
| 1848[3] | 164 Lüüd, 24 Hüüs |
| 1. Dezember 1871[4] | 173 Lüüd, 26 Hüüs |
| 1. Dezember 1885[5] | 155 Lüüd, 24 Hüüs |
| 1. Dezember 1905[6] | 158 Lüüd, 25 Hüüs |
| 1. Dezember 1910[7] | 7* |
| 1925[8] | 147 |
| 1933[8] | 146 |
| 1939[8] | 146 |
- * bi gemeindeverzeichnis.de mit 7 Inwahners angeven, aver de Tall is woll verkehrt
Religion
[ännern | Bornkood ännern]Grasdörp is evangeelsch-luthersch präägt un höört to dat Kaspel von de Lukas-Kark in Postdörp. Düsse Kark is 1852 nee boot worrn. Vörher hett de Oort to dat Kaspel von de Sigismund-Kark in Dauben tohöört.
För de Kathoolschen is de St.-Matthias-Kark in Achem tostännig.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Grasdörp is 1913 grünnt worrn.
Weertschop un Infrastruktur
[ännern | Bornkood ännern]För Grasdörp is de freewillige Füürwehr Posthusen mit tostännig.
Verkehr
[ännern | Bornkood ännern]Dör Grasdörp löppt de Kreisstraat 7, de in’n Noordoosten in Hintzendörp/Stellsfellen in de Landsstraat 155 münnt un in’n Süüdwesten över Steenbarg, Giersbarg un Hustäe na Ädelsen an de L 158 föhrt. De K 7 warrt in Grasdörp krüüzt von de K 9, de in’n Noordoosten na Giersdörp/Schanzendörp löppt un dor mit de K 5 un K 6 verbunnen is. In’n Süden geiht de K 9 över Langwedelermoor na Dauben an de L 158.
De nächste Autobahn is de Autobahn 27 (Afsnidd Bremen–Wasra). De Opfohrt 24b Langwedel liggt so veer Kilometer in’n Süden von Grasdörp an de K 9.
De nächste Bahnhoff is so bi fiev Kilometer wied weg in’n Süüdwesten de Bahnhoff Ädelsen an de Bahnlien Wunsdörp–Bremen. De Bahnhoff Otterbarg an de Bahnlien Hamborg–Bremen liggt negen Kilometer in’n Noorden.
Scholen
[ännern | Bornkood ännern]De Oort harr fröher en egen lüttje Volksschool.
Footnoten
[ännern | Bornkood ännern]- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 218
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
